南瀛水產

好耐冇同老婆出街拍拖食飯啦！聽朋友介紹有間新既日本野一定要去試。佢個地址真係好方便，喺地鐵站出口行1分鐘就到，方便到不得了！一入到去餐廳已經聞到好香既燒海鮮香味！而餐廳嘅裝修又有活生生嘅海鮮，有龍蝦，有鮑魚，仲有皇帝蟹！其實睇個裝修就知道係一定要食海鮮啦！不過先來個沙律同炸雞做小食先!食完炸雞有啲口渴叫兩杯特飲又發現幾過癮，一杯未試過嘅柚子啤酒，一杯就係青蘋果乳酸。轉個頭壽司拼盤就來了，今日想食海鮮食飽所以壽司都係兩口子分享都好足夠啦！推介過甜蝦真係肥到呢！最期待嘅浜燒海鮮終於上枱，我自己係甲羅燒擁躉，今晚叫咗一人一隻蚧味增早羅燒去享受下！呢度仲有專人同你燒埋，真係十級享受食完甲羅燒已經急不及待叫服務員去燒活鮑魚，新鮮帆立同貴妃貝，見佢仲好生猛郁下郁下咁想快快脆脆放入肚啦！未食完今餐老婆已經話要encore 下次，因為太新鮮太好味了。餐廳員工又好有心去燒海鮮，期待海鮮上枱嘅感覺就係最大享受！