南瀛水產

呢間樓上居酒屋超有日本氣氛，店員仲好吹得成餐飯食得好開心😹 想食日式燒海鮮嘅話呢間餐廳係一個唔錯嘅選擇，店員會即場幫手燒！燒完即刻有得食，夠晒熱辣辣 🔥 -🎈海鮮盛合 ($588)店員即場加酒燒香，超好食！如果唔想食太多可以單點，但呢個盛合就乜都有齊唔使諗🫶👉蜆: 首先食個燒蜆，店員有問我哋鍾意食鹹啲定係淡啲～ 因為蜆入面本身有啲海水，就咁燒出嚟會鹹香少少。如果唔鍾意食咁喊就可以燒嘅時候先將海水吱出😛 我自己就覺得鹹鹹地先好食！👉帆立貝: 呢個加酒汁煮好好食～ 店員仲會幫手剪成小塊方便食。👉鮑魚: 睇見都覺得好新鮮，放上爐嘅時候仲郁吓郁吓😆 好殘忍不過好彈牙好好食。👉蟹腳: 加咗調味料好惹味😋 肉要慢慢細心拆出嚟食～👉蝦: 好大隻！店員話呢度有個特別嘅燒法，擺盤嘅時候將兩隻蝦擺做心心形狀😹 如果要表白真係一流😹😹😹👉蠔: 一樣係好大隻，燒完都仲係好大隻！-🎈味噌甲羅燒 ($88)甲羅燒咗好多蟹肉同蟹膏，撈埋蟹籽、蔥同鵪鶉蛋一齊食真係冇得輸～-🎈清酒煮蜆 ($128)食落冇乜沙，淡淡的酒香👍 不過如果叫盛合就會重覆咗食蜆～-🎈海鮮天婦羅 ($228)好多款天婦羅，除咗常見嘅海老仲有魚添🤔