琥酌 (已搬遷) 新店位置

一路以黎都無食過吉列牛排，一黎好似好貴咁，二黎又唔知邊到好食，今次朋友介紹我黎尖沙咀食琥酌，環境幾好，而且我地食得早，餐廳唔算太多人，窗邊又有境望下幾好！一黎就有前菜，係蘿蔔炆牛腩，味道幾濃，蘿蔔同牛腩都幾淋。之後就黎到今日嘅重頭戲，吉列和牛，聽講係a5嘅和牛黎，未燒之前，望到中間偏紅嘅，有3種醬汁可以跟：燒汁、海鹽同芥末。燒30秒就有得食，雖然唔係入口即溶，但係都好軟，好好食！個人覺得配海鹽最好，芥末同燒汁味道都唔太夾，同埋蓋過左牛肉味。另外，我地重叫左炸物拼盤同豚肉泡菜鍋，炸物拼盤個醬汁係燒汁同蛋黃醬一齊上，有少少似章魚燒嘅汁，同d炸野食就好夾啦！豚肉鍋好足料，成個鍋都填滿左食物，食落好滿足。作為我第一次食吉列牛嘅餐廳，琥酌味道真係非常唔錯，一定會再黎！