影片
更多
2018-04-04
3125 瀏覽
平時打邊爐所有人都會諗起去旺角，但今日介紹嘅呢間邊爐係位於尖沙咀。雖然最近少咗時間打下食評，但回想起總有幾間必須要Recap番介紹下。醉胡爐位於尖咀柯士甸路，前排做緊1蚊椰青雞湯，所以就去咗試。個人覺得食物種類都算多，除咗火鍋野之外，仲有刺身同小食選擇，但我嘅建議係都係專攻火鍋。因為專心啲睇，同朋友夾錢食都可能食嘅種類都唔多。所以稍後我會推介幾款我覺得必食嘅食物。首先講下湯底，雖然做推廣1蚊椰青雞湯，但一啲都唔hea，侍應放齊湯料兼準備埋雞煲，即場整湯底好似特別表演咁，唔係得個樣，湯底煮好後真係非常清甜仲有微微saka酒嘅味道，就咁嘅湯底，我同行嘅朋友都盛咗幾碗齋飲湯。整完醬料，野食物陸續登場，有一個鋪內嘅隱藏安排，係必須一讚，我地都不其然地發現食物有依序上菜，由於肉類會大大破壞湯底嘅味道，所以肉類係較後期先到達。就依我所講，所以一開始分別都係：冬瓜片、雙拼餃、雙拼滑、蔬菜拼盤、午餐肉、白鱔片、冰豆腐、芝士腸等等，份量如照片一樣，大家可以自行參考下需要再柯打。湯底其實真係好夾，冬瓜片、冰豆腐等等非常入味，另外又唔會令人覺得好漏，岩岩好。食到咁上下，胡爐牛拼盤同胡爐豚拼盤雙雙到齊，大家同
個人覺得食物種類都算多，除咗火鍋野之外，仲有刺身同小食選擇，但我嘅建議係都係專攻火鍋。因為專心啲睇，同朋友夾錢食都可能食嘅種類都唔多。所以稍後我會推介幾款我覺得必食嘅食物。
首先講下湯底，雖然做推廣1蚊椰青雞湯，但一啲都唔hea，侍應放齊湯料兼準備埋雞煲，即場整湯底好似特別表演咁，唔係得個樣，湯底煮好後真係非常清甜仲有微微saka酒嘅味道，就咁嘅湯底，我同行嘅朋友都盛咗幾碗齋飲湯。
整完醬料，野食物陸續登場，有一個鋪內嘅隱藏安排，係必須一讚，我地都不其然地發現食物有依序上菜，由於肉類會大大破壞湯底嘅味道，所以肉類係較後期先到達。
就依我所講，所以一開始分別都係：冬瓜片、雙拼餃、雙拼滑、蔬菜拼盤、午餐肉、白鱔片、冰豆腐、芝士腸等等，份量如照片一樣，大家可以自行參考下需要再柯打。湯底其實真係好夾，冬瓜片、冰豆腐等等非常入味，另外又唔會令人覺得好漏，岩岩好。
食到咁上下，胡爐牛拼盤同胡爐豚拼盤雙雙到齊，大家同意之下，我地開始烚最邪惡嘅肉類。先講個豚拼盤分別有4款肉(西班牙黑毛豬肉、豚肉眼根、秘製蝴蝶腩、豬頸肉)，有幾款肉係好神奇(分唔出)，因為個種口感太嫩真入口即融，而令我地一度誤會呢碟究竟係牛定係豬，所以大家都一致覺得佢真係絕對唔遜色於牛肉。值得一叫！咁就可以食哂咁多款。
而牛拼盤分別有5款肉(牛舌芯、金錢展、極上手切肥牛、日本和牛、牛粒)，食過每款後，每款水準參次，但日本和牛係我地一致認為最好食。
於是我地後來仲多叫一碟「飛驒和牛肉眼A5(大)」，誠實建議除非真係好想食拼盤，但事實叫兩碟和牛肉眼更好。眼見肉身靚紋，唔需要焯太耐，入口即融，唔需要多講太多，真係好好食。
當然最後唔少得食番幾啖麵作結，紅薯粉、稻庭烏冬同手唧鮮魚麵比較。一致覺得要食就揀烏冬。
總結一整晚，椰青雞湯底一流，豬肉拼盤必叫，其次飛驒和牛肉眼A5，其他配料可以因需要而柯打。
張貼
