北海道爐端燒 (已結業)

Weekday 8點鐘嚟到尖沙咀樓上呢間爐端燒, 人氣迫人。等咗一陣侍應帶我哋去到火爐前bar檯。火爐比餐檯高出一節, 勉強可以望住師傅現燒食材, 幾有風味。不過怕油煙怕熱嘅朋友, 卜檯時記得叫餐廳預留其他餐檯啦。鹽燒魷魚鬚 $48簡簡單單嘅鹽燒魷魚鬚, 份量不多, 食落軟身, 燒乾一點就更有風味啦。海膽 $98一板密鋪海膽, 每瓣非常迷你, 一小匙6-8瓣, 入口清甜, 尚算新鮮。金目鯛一夜干 $128一夜干, 係日本人延長鮮魚保存期嘅方法之一。醃製後嘅金目鯛, 由於魚身水分已被鹽分抽乾, 肉質變得緊實, 鹹味重, 質感介乎於鮮魚同咸魚之間。今餐最好食嘅係左口魚邊壽司$48(2件), 左口魚邊肉質爽口, 油脂豐富。