GREEN

前陣子跟朋友去hotel icon GREEN afternoon tea set❤ 因為我朋友中意食牛奶所以就去試試。每人兩件鬆餅，我就無食果醬個果，只係點cream cheese，好味👍今次主題係叫日式芝士$328/位，主打用特濃北海道牛奶與優質忌廉芝士結果既tea set，上面仲放左2塊去旅行最中意做手信既芝士餅，頭先果醬旁邊個紙盒都係放左2包呢D餅。我第一啖食就係炭燒鰻魚多士(最低層個果)，佢個名同鰻魚汁相當吸引，食落仲好惹味，厭佢太細塊了🙈 和風照燒雞多士，同樣個汁好惹味。然後食第2層既脆炸芝士配蕃茄醬(本身好期待，但佢既芝士實在過濃同d小小咸)，需要飲本茶清清個口😂 再旁邊個果係一般咖哩包。頂層既蛋糕卷唔錯，但個人覺得偏甜。旁邊的芝士蛋糕都唔錯，但同樣偏甜，應該岩好中意牛奶同甜既女仔。 最後吃一杯杯既米布甸芒果，細細杯但好多甜芒果肉，然後用白色朱古力兜住D 芒果，食食下吉穿個白朱古力，D芒果就會跌落去下面個層米布甸，我想講下面個層米布甸係勁好味!整體覺得一半唔錯一半偏甜，但間中同姊妹出黎afternoon tea 食下靚靚甜點都傾計都幾開心既。