影片
更多
2024-08-25
123 瀏覽
最近去完日本，感受到地震，然後返嚟知道台灣又有。作為旅遊愛好者，本來想去多轉台灣，都暫時要擱置一下。為咗止咳，我決定去食地道嘅台灣小食。呢間餐廳，我已經唔係第一次嚟。成日嚟嘅原因系因為佢哋嘅食物真係好貼近原作。之前食過佢哋嘅滷肉飯同炸豬排飯，無論煮法同調味，都同台灣本地嘅做法非常相近。所以飯系大大碗，但係都可以食到一粒不漏。今次好夜嚟，差唔多9點先到，估唔到仲有好多客人。我諗就係因為呢度食物質素好，價錢合理，所以有咁多捧場客。🍖今次主打小食，第一樣叫嘅係我不是章魚燒，佢越要話唔係，就搞到人越想試吓。佢個樣明明顯就係章魚燒，上邊又有木魚，又有沙律醬，點睇都系章魚小丸子。咬落去就知過癮。原來系墨魚丸，諗住話佢犯咗商品說明條例，但係佢又講明唔係，哈，好出色嘅推廣手法！講翻呢粒炸墨魚丸，其實都好好味，墨魚丸本身彈牙，再加上外面炸過，同配搭以上嘅材料，變成更加香口。另外叫咗台式小食拼盤，台灣腸，鹽酥雞，同埋再嚟一round冇加個醬料嘅花枝丸，三種風味，三種口感，同樣新鮮炸起，特別好味。去台灣掃街嘅感覺就翻曬嚟！然後仲有醉雞翼，唔似其他醉雞，上枱嘅時候一定要配搭埋汁料，等人覺得唔得夠味嘅時候可以再
🍖今次主打小食，第一樣叫嘅係我不是章魚燒，佢越要話唔係，就搞到人越想試吓。佢個樣明明顯就係章魚燒，上邊又有木魚，又有沙律醬，點睇都系章魚小丸子。咬落去就知過癮。原來系墨魚丸，諗住話佢犯咗商品說明條例，但係佢又講明唔係，哈，好出色嘅推廣手法！講翻呢粒炸墨魚丸，其實都好好味，墨魚丸本身彈牙，再加上外面炸過，同配搭以上嘅材料，變成更加香口。另外叫咗台式小食拼盤，台灣腸，鹽酥雞，同埋再嚟一round冇加個醬料嘅花枝丸，三種風味，三種口感，同樣新鮮炸起，特別好味。去台灣掃街嘅感覺就翻曬嚟！然後仲有醉雞翼，唔似其他醉雞，上枱嘅時候一定要配搭埋汁料，等人覺得唔得夠味嘅時候可以再沾上一啲補味。呢度直情冇汁，但係非常入味非常濃郁，肉質又非常爽而唔老，證明佢哋對呢個雞翼非常有信心。
🍖講完鹹就講甜，拉絲芝士火腿蛋餅，全部系簡單嘅材料，全部系令人懷念嘅材料同埋味道。然後拉絲嘅效果非常好，保持到半融嘅狀態，食入口啖啖鹹香，而且切成細細件，方便食用。
🍖我仲叫咗另外一個芋泥肉鬆脆皮蛋餅，今次就系鹹同甜互相融合，芋泥軟綿綿，甜味足，肉鬆香口得嚟，又充分提供香味同鹹味。蛋餅嘅脆，又同芋泥互相輝映。食一件已經有兩種對比。物有所值。
🍺作為芋泥控，我更加連飲品都要點。芋泥鮮奶奶蓋，我會話佢唔單單系飲品，仲系甜品。成杯嘢一粒冰都冇，勁多芋泥，我直頭攞個匙羹去畢黎食，實在相當滿足！
張貼
