八囍匯 (已結業)

同事去食Lunch ，行過見到依間新餐廳，就入去試下。有Lunch Set，以午餐價錢就唔平，同埋唔係樣樣都啱食，所以就散叫。記得睇清楚，佢係收$12 茶位費，再收加一。- 香糟醉雞冷盤小食，雞無骨夠滑，好香酒味，上面仲有酒糟果凍。- 小籠包皮薄肉香汁多，水準幾高。- 鮮肉鍋貼鍋貼底部煎得香脆，味道正常。- 四川擔擔麵湯底有麻醬香味，不過唔多花生味，偏清淡。整體而言，食物質素都幾好，但係價錢偏貴，可能晚市會合理啲。