靚煲皇 (已結業)

上個禮拜，有個好姊妹話帶我地去食好嘢。一見到個名「靚煲皇」我地話懶醒咁以為打邊盧，仲睇定叫咩湯底好點知佢話帶我地食小菜，真係估佢唔到首先嚟到嘅就係叫做靚煲皇小炒王，係好似用咗好多材料黎炒嘅，好似有韭菜腰果炸蝦乾炸芋頭絲同埋魷魚，出奇地好食，炒得好香。呢個係帝王龍躉扣，佢用咗個鐵鍋出嚟，所以出到嚟都熱辣辣香噴噴，仲出煙添。龍躉好似淨係用咗龍躉嘅魚皮，所以好似啫喱咁，好重骨膠原呢個就係特色馬來胡椒蝦，炒得好香。不過我覺得胡椒唔係太重，因為好怕胡椒味太重會好辣，但啲蝦有淡淡的胡椒味跟住就係口水雞，整得好靚，口水雞係偏向比較麻辣，可能面頭有好多辣椒啊，都係好滑同惹味，食完一舊會仲想再食嘅