瀛豐放題料理專門店

踏入十月，你以為冇風打，就小犬變大犬，突如其來的假期當然要食餐豐富既。而家又到大閘蟹季節，好多餐廳已經陸續推出大閘蟹放題。呢間都幾誇張，本身已經做放題，今期仲有任食大閘蟹套餐，大閘蟹以外有壽司刺身，天婦羅、燒物，泰國野等等多到數唔晒，仲可以加錢升級生蠔及海膽帶子任食。大閘蟹即叫即蒸，所以真係預早叫定。任食生蠔對板，都幾大隻又唔會營養不良。海膽帶子自己最鐘意，一口一件鮮甜好食。刺身上碟幾靚仔，唔會炒車上比你。壽司款式多，而且出品細細件，唔會好易ko你。另外就係比較多火炙壽司，岩晒我。泰式食物都好多，冬陰湯有驚喜，木瓜沙律，炒通菜，生菜包，連生蝦都有。其他熟食都有，不過已經食唔落。飲品櫃有多款飲品，淨係啤酒都已經有幾款。出面仲有甜品櫃，雪糕櫃，最後衝刺。