影片
更多
2019-07-19
2610 瀏覽
-今日男友🧑特別帶我去食好西😋，就係佢之前同fd去過嘅私房菜，話好有鑊氣🥘、海鮮好鮮甜。講到咁，小妹一定要試真啲先得。原來係觀塘嘅工廈🏬， 裏面都係有大有小嘅圓枱， 枱與枱之間嘅空間都好夠、坐得夠舒服。男友一早就打📞咗嚟book 位，book 埋食花膠扒羊肚菌餐［2位用 ］，食材都準備好哂， 等埋我地揀其中2款餸菜點烹調啫。手撕雞🐔［一份］麻辣入哂味青瓜絲🥒爽口、雞肉咁嫩滑鹵水鵝例牌［一份］例牌都有咁大份， 可以夠4人share 都得👍大蜆什菌豆腐湯見到Milky 色，就知大蜆鮮味夠喇。薑沖炆龍躉腩🐟龍躉入哂薑沖屈嘅味道， 如果多幾舊就好喇。四川香辣🌶️炒大肉蟹🦀［1隻］身為辣妹嘅我，當然食四川香辣炒🌶️喇。辣味夠香口， 唔會蓋過蟹🦀嘅鮮味，反而更加帶出鮮甜味。大肉蟹🦀果然唔同， 啖啖肉😆！！仲有其他煮法架，可以選花雕雞油蛋白蒸，避風塘炒，薑沖炒，胡椒炒咁。流沙黃金蝦🦐［2隻］炸到好香口， 連蝦殼🐜一齊食仲正！！！ 士多啤梨🍓骨🐷Strawberry 🍓味超出！！！ 甜甜地，好醒胃。花膠扒羊肚菌🍄花膠就無得頂喇，口感夠哂膠。羊肚菌就咁食有啲啲苦味嘅， 但夾埋花膠一齊入口， 2款好合拍。蟹油
今日男友🧑特別帶我去食好西😋，就係佢之前同fd去過嘅私房菜，話好有鑊氣🥘、海鮮好鮮甜。講到咁，小妹一定要試真啲先得。
原來係觀塘嘅工廈🏬， 裏面都係有大有小嘅圓枱， 枱與枱之間嘅空間都好夠、坐得夠舒服。
男友一早就打📞咗嚟book 位，book 埋食花膠扒羊肚菌餐［2位用 ］，食材都準備好哂， 等埋我地揀其中2款餸菜點烹調啫。
手撕雞🐔［一份］
麻辣入哂味
青瓜絲🥒爽口、雞肉咁嫩滑
鹵水鵝例牌［一份］
例牌都有咁大份， 可以夠4人share 都得👍
大蜆什菌豆腐湯
見到Milky 色，就知大蜆鮮味夠喇。
薑沖炆龍躉腩🐟
龍躉入哂薑沖屈嘅味道， 如果多幾舊就好喇。
四川香辣🌶️炒大肉蟹🦀［1隻］
身為辣妹嘅我，當然食四川香辣炒🌶️喇。
辣味夠香口， 唔會蓋過蟹🦀嘅鮮味，反而更加帶出鮮甜味。
大肉蟹🦀果然唔同， 啖啖肉😆！！
仲有其他煮法架，可以選花雕雞油蛋白蒸，避風塘炒，薑沖炒，胡椒炒咁。
流沙黃金蝦🦐［2隻］
炸到好香口， 連蝦殼🐜一齊食仲正！！！
士多啤梨🍓骨🐷
Strawberry 🍓味超出！！！ 甜甜地，好醒胃。
花膠扒羊肚菌🍄
花膠就無得頂喇，口感夠哂膠。
羊肚菌就咁食有啲啲苦味嘅， 但夾埋花膠一齊入口， 2款好合拍。
蟹油銀芽炒麵🥢
小妹最like 食炒麵架喇，仲要夾哂啲麵嚟食，淨底啲配料比男友仔食🙊🙊
甜品：芒果布丁
侍應話甜品有芒果布丁，芝士布丁，雲呢拿布丁或椰汁紅豆糕嘅。
只係當日上咩款，就要睇師傅👨當晚預備咗咩比客人喇。
食到超飽，捧住個肚走。 私房菜果然唔同嘢食有質素。
==========
御膳
地址: 觀塘敬業街65-67號敬運工業大廈12樓F室
張貼
