影片
更多
2005-05-31
11 瀏覽
家住北區, 附近沒有什麼特色小館, 想不到居然在聯和墟小角落, 有間日本人主理小館.最初慕名而來, 第一次記住個地址就去搵, 搵到已經收左舖. 第二次去到無開門, 去到第三次先至食到.第一次是單拖去, 在門口是個小妹妹招呼, 個小妹妹係間唔中先至出舖頭幫手, 由介紹至幫客人落單, 全部有板有眼. 一有空就抺抬, 面對客人很有禮貌, 真是有家教.爵士拉麵地方很少, 有Bar 枱位同二人位, 坐晒我估都係廿人左右. 裡面見到埋頭煮麵係老闆小村先生, 牆上有張北海道地圖, 寫上老闆個鄉下. 另外幫緊佢手, 黑口黑面應該係佢老婆小村太太. (我唔敢問, 不過九成係)爵士拉麵先比杯炭燒麥茶招呼你, 計你一蚊, 好唔好飲各人口味唔同, 我就會飲幾杯先肯走.通常佢地都會介紹湯底比你先, 有扎愰面豉, 東京醬油同辣面豉湯底. 我通常會揀東京醬油, 即清湯.跟住揀材料, 最貴係爵士拉麵, 有雜錦, 有年糕, 有肥牛, 有蔥拉麵同叉燒, Size 有細同中(奇怪唔見有大). 其實中同大差不多價錢, 當然揀大. 若果想試多D , 可以叫雜錦. 但我的心水是肥牛, 不過成四十幾蚊碗.其實料, 湯底, 拉麵,
最初慕名而來, 第一次記住個地址就去搵, 搵到已經收左舖. 第二次去到無開門, 去到第三次先至食到.
第一次是單拖去, 在門口是個小妹妹招呼, 個小妹妹係間唔中先至出舖頭幫手, 由介紹至幫客人落單, 全部有板有眼. 一有空就抺抬, 面對客人很有禮貌, 真是有家教.
爵士拉麵地方很少, 有Bar 枱位同二人位, 坐晒我估都係廿人左右. 裡面見到埋頭煮麵係老闆小村先生, 牆上有張北海道地圖, 寫上老闆個鄉下. 另外幫緊佢手, 黑口黑面應該係佢老婆小村太太. (我唔敢問, 不過九成係)
爵士拉麵先比杯炭燒麥茶招呼你, 計你一蚊, 好唔好飲各人口味唔同, 我就會飲幾杯先肯走.
通常佢地都會介紹湯底比你先, 有扎愰面豉, 東京醬油同辣面豉湯底. 我通常會揀東京醬油, 即清湯.
跟住揀材料, 最貴係爵士拉麵, 有雜錦, 有年糕, 有肥牛, 有蔥拉麵同叉燒, Size 有細同中(奇怪唔見有大). 其實中同大差不多價錢, 當然揀大. 若果想試多D , 可以叫雜錦. 但我的心水是肥牛, 不過成四十幾蚊碗.
其實料, 湯底, 拉麵, 三者我覺得最出色係麵, 非常爽口彈牙, 貴野我食唔起, 一般日本麵舖一定做唔到.
小食出名有芝士餃子, 都係果句, 好唔好食就見仁見智, 但特色就一定有, 不過我較喜歡炸豆腐, 加上醬油十分香口. 另外大和煮亦有特色, 可以一試.
呢間小舖星期一,二唔開門, 午間只做兩小時生意, 晚間就做六至九. 但好多時都排晒隊, 唔齊人唔準入, Order 只可叫一次, 又要先付款. 好多人話好寸. 若果我做個比喻, 你去睇個大醫生, 個醫生唔寸, 你又唔覺得比錢無價值. 間舖都要好食先至寸得起.
記得有次同女朋友去食, 佢話好多人排隊, 不如叫外賣.
我好肯定講若果叫外賣就不如唔好食. 拉麵出左門口, 就已經係第二樣野, 無左份食日本麵心情同氣氛. 煮麵要有heart, 食麵要有feel, 咁先係天依無縫.
誠意推薦.
張貼
