寶寶雞煲 (已搬遷) 新店位置

一排冇食就會掛住的食物，雞煲絕對係其中一種。睇完中醫，在太子到處搵食，唔經唔覺又走到一間小店前，小店主打香辛的乾雞煲，正正是我杯茶。店內裝修唔算好華麗，但都頗闊落。賣點係價錢親民，配料選擇多。主角雞煲看頭十足，一上枱已經有撲鼻的辛麻香氣。雞肉好乾身，入晒味，都算幾正宗。美中不足的是，隻雞本身唔夠厚肉，唔夠滑。牛肉都幾高質，係靚嘅手切牛。配料應有盡有，但當中最特別，又令我哋印象最深刻的，就係黑柏葉。記得細細個成日同屋企人打邊爐都會食，但大個咗出去啲餐廳都係用已經漂白左的牛柏葉，呢款配料絕對令我哋食返小時候的味道啊！