炊豕店 (加路連山道) (已結業)

同朋友係銅鑼灣上完堂，係加路連山道附近搵野食😋見到呢間新開嘅炊豕店坐滿晒人，再次本住「人流係唔會呃人」嘅心態去試下。呢到除咗有普通座位之外，仲有可以對住廚房水吧坐，啱晒我呢啲好奇少女睇住人整野食🤣食物款式唔多，主打秘製豬扒，價錢中等👍🏻話明主打豬扒又點可以唔試下呢😋朋友叫咗秘製豬扒配肉燥汁（$52）加$10要多塊厚午餐肉！一邊望住佢整就係到感嘆啲豬扒好大件，同埋件餐肉真係好厚😂個碗大得嚟，啲飯都好多，塊豬扒仲鋪滿個碗🤤雖然睇落好簡單，但係真係好味。件豬扒個炸粉一啲都唔厚，食落好鬆脆，豬扒好厚而肉質好嫩，咬落去好鬆軟👍🏻炸得啱啱好，外脆內軟😋午餐肉激厚，口感好正，煎得啱啱又唔太油。肉燥汁甜甜地，撈飯一流～激厚特寫😂因為我想食炒滑蛋，所以就叫咗呢個叉粒豆角蔥花炒滑蛋飯（$48）同樣都係好簡單嘅家常小菜，但係好好味😍雖然我叫咗少飯，但都係好大碗😂啲蛋炒到半熟，好滑👍🏻叉燒用咗半肥瘦，唔會太瘦好硬，啱啱好。面頭淋上豉油，再加埋個滑蛋，好開胃～簡單但用心☺️另外我地仲叫咗兩個小食，分別係麻辣魚蛋同涼拌大豆芽。麻辣魚蛋（$18@5）好爽口同彈牙，麻辣醬唔會太辣，仲幾香。涼拌大豆芽（$18）好香麻油味