影片
更多
2017-12-01
565 瀏覽
幾個月前嘅一個夏日中午已經去過位於元朗嘅彩aya, 由於該店面積太小而導致店外經常排長龍嘅關係, 至今為止都只係食過一次, 嗰次亦都要等二十分鐘先可以入店內, 算係比較好彩嘅一日. 還記得當日天氣酷熱, 甚至有人因為等候太耐而不支暈倒需要召喚救護車. 不過講番個麵, 麵條彈牙, 但沾麵湯底更加驚為天人, 蝦味湯底香氣撲鼻, 鮮味濃郁, 令人印象難忘, 總算不枉我等候多時先可以入內進食.近來得知彩aya於西環開設分店, 唔駛山長水遠入去元朗嘅一條僻靜小巷, 但因只怕又要於門外等, 故此特地同女友放工後立即趕到香港大學站, 然後外出尋找, 最後花左少少時間先搵到該店店址, 原來同元朗店一樣位於僻靜小巷內, 但不同之處在於西環店裝修整理得多, 牆上貼滿麵粉袋嘅佈置, 坐位亦好舒服, 更加唔同嘅係該店毋須等位, 一入到去就可以就坐!當日店內人數唔多, 同元朗店成極大差異, 但招待我地嘅係同一位日本人店長, 餐牌亦一模一樣, 心諗應該OK. 我哋分別點左一個蝦湯甘筍麵, 一個蝦湯黑胡椒麵另加兩塊叉燒, 再加個蜜瓜味梳打. 蝦湯質素同麵身彈牙度同元朗店如出一轍之高水準, 其中我較為欣賞黑椒麵嘅味道
近來得知彩aya於西環開設分店, 唔駛山長水遠入去元朗嘅一條僻靜小巷, 但因只怕又要於門外等, 故此特地同女友放工後立即趕到香港大學站, 然後外出尋找, 最後花左少少時間先搵到該店店址, 原來同元朗店一樣位於僻靜小巷內, 但不同之處在於西環店裝修整理得多, 牆上貼滿麵粉袋嘅佈置, 坐位亦好舒服, 更加唔同嘅係該店毋須等位, 一入到去就可以就坐!
當日店內人數唔多, 同元朗店成極大差異, 但招待我地嘅係同一位日本人店長, 餐牌亦一模一樣, 心諗應該OK. 我哋分別點左一個蝦湯甘筍麵, 一個蝦湯黑胡椒麵另加兩塊叉燒, 再加個蜜瓜味梳打. 蝦湯質素同麵身彈牙度同元朗店如出一轍之高水準, 其中我較為欣賞黑椒麵嘅味道, 甘筍麵就同小麥麵差唔多. 叉燒腍滑, 溏心蛋亦嫩滑, 幼蔥同附上嘅紫菜都在水準之中, 加上座位較元朗店舒適闊落, 店舖空間寬敞, 整體感覺更加出色.
除左位置比較難搵之外, 食物質素甚高, 日籍店主慇懃招待, 仲要唔駛好似元朗店咁排長龍, 值得推介俾港島區嘅街坊!
題外話/補充資料：
或者我哋比較好彩, 但好奇怪此拉麵店先前嘅兩個負評內容, 因為同我哋嘅用餐體驗好唔同, 亦唔知係唔係因為咁, 加上位置有啲隱蔽, 店內門可羅雀. 有時人好矛盾, 人太多又驚要排大隊, 人太少又驚佢做唔住執笠, 但對於有質素嘅舖頭, 都希望可以佢繼續做落去, 滿足一眾老饕口福之慾!
(以上食評乃用戶個人意見 , 並不代表OpenRice之觀點。)
張貼