影片
更多
2015-12-12
1267 瀏覽
常常說，分甘同味，與愛吃東西的人吃飯，係最賞心樂事。平常上班同同事食飯，和朋友食飯，你每話食一種菜可能呢個話唔食個樣話唔食，其實都幾麻煩，所以與對的人食飯，好重要。朋友I小姐，她是非常喜歡吃的人，基本上我話食乜野佢都好少拒絕我，係開飯的好朋友，有時候，佢就算唔特別喜歡吃都會去，絕對有求必應，今日飲完個咖啡小聚後，我還有點肚餓，係旺角和油麻地的分界線，我們選擇了去其中一間麵店再吃多個下午茶。I小姐家住新界，沒有太多想法，我就膽粗粗叫唔食牛嘅佢去，點知佢又一口應承，於是我們由信和行左過去，推薦佢去我的油麻地飯堂，新仙清湯腩。說是飯堂好像誇張了點，但由未有米芝蓮推薦到連續上榜，這裡是越做越進步，只不過近年少了過來，因此都有一排沒有去過了，今天來到，這裡裝修了不少，地方舒適了。由於多人，我們坐低了一張細枱，對面，有個像客人般的人係度食飯，見我地叫完碗粉後影左又影右，於是同我地搭左訕，講下講下，才知道原來佢係呢度其中一個負責人，就叫佢係C吧。我們一人一碗粉後，C就說開呢度又乜好食，令我呢個小fans大開眼界，原來呢間野所有食物都真係好有誠意。估不到去食個下午茶會遇上這裡的一個負責人在試菜，幸好有
平常上班同同事食飯，和朋友食飯，你每話食一種菜可能呢個話唔食個樣話唔食，其實都幾麻煩，所以與對的人食飯，好重要。
朋友I小姐，她是非常喜歡吃的人，基本上我話食乜野佢都好少拒絕我，係開飯的好朋友，有時候，佢就算唔特別喜歡吃都會去，絕對有求必應，今日飲完個咖啡小聚後，我還有點肚餓，係旺角和油麻地的分界線，我們選擇了去其中一間麵店再吃多個下午茶。
I小姐家住新界，沒有太多想法，我就膽粗粗叫唔食牛嘅佢去，點知佢又一口應承，於是我們由信和行左過去，推薦佢去我的油麻地飯堂，新仙清湯腩。
說是飯堂好像誇張了點，但由未有米芝蓮推薦到連續上榜，這裡是越做越進步，只不過近年少了過來，因此都有一排沒有去過了，今天來到，這裡裝修了不少，地方舒適了。由於多人，我們坐低了一張細枱，對面，有個像客人般的人係度食飯，見我地叫完碗粉後影左又影右，於是同我地搭左訕，講下講下，才知道原來佢係呢度其中一個負責人，就叫佢係C吧。
我們一人一碗粉後，C就說開呢度又乜好食，令我呢個小fans大開眼界，原來呢間野所有食物都真係好有誠意。
估不到去食個下午茶會遇上這裡的一個負責人在試菜，幸好有機會來到這裡還有和別人搭訕一番，這餐的下午茶，特別有意義。
我叫了一碗崩沙腩湯河，這個是新仙無得輸的項目。
崩沙腩有好多份量，連綿的崩沙腩那骨與肉的絲絲纏綿是不能說的好，牛味當然強，一層層的牛肉咬下去就如層層疊般。
河粉當然沒有最愛的嘉麗園般出色，但也是不錯的質素，加上那個用牛肉，牛骨，牛雜等蒸餾出來的醇美湯底，每條河粉都沾上那美味，飲一口湯，絕對是下午的咖啡因，把我從假期中喚醒過來。
每碗粉送上幾件的蘿蔔，又係出色到不行，每舊蘿蔔都係被湯炆得淋淋的，吃下去沒有渣，每啖蘿蔔咬下去能感受到那牛腩湯和蘿蔔淆出來的味道，那些係蒸餾出來的牛腩味和蘿蔔的精華。
C對呢度仲有一樣野非常有信心，佢就係巴基斯坦的咖哩，咖哩的辣好誘人，加上了那些煎得唔太厚的巴基斯坦式薄餅，和咖哩就是最佳朋友，可惜太過飽同I小姐唔食牛肉，如果唔係我想食多個咖哩牛腩飯兩份，那個咖哩牛腩惹味得令人心悸，當執筆時都想食番一碟。
還有一個主理人的推薦，鯪魚肉釀青椒，我吃過呢間野不知幾多次，都唔知呢度出名呢樣野，鯪魚肉每日剁碎同釀係條條長的青椒中，呢類食物，最重要新鮮，吃個就知佢好香好鮮甜，原來日日呢度半日就賣哂，由其受一眾打工仔和OL歡迎，想食下次記得都要早。
最後，一碗咸檸檬蜂蜜，剛剛好的甜度，咸檸檬的酸，中和了肚皮的滿足。
和有要求的食店負責人談食是件賞心樂事，整餐午飯短短四十分鐘，由這裡的牛腩說到西貢的早餐，由員工的嚴堅到對食客都有要求，原來好吃的地方的負責人都是有點性格，但至少佢不像中環的惡人谷，當然，那裡有其魅力所在，但這裡的崩沙腩好處係不用受氣，不用排隊，不用長途跋涉，幾十蚊就可以欣賞到的美味，這就是我最喜歡的地方。幸好，今天有機會和對的人吃，多謝I小姐，要一個唔食牛的人吃飯就如對牛彈琴，但因你的好，遇上了喜歡已久的食肆的負責人，還一起吃了餐飯，絕對係一件賞心樂事，希望，和C能夠有緣再聚吧。
新仙清湯腩咖哩專門店 Sun Sin油麻地砵蘭街37號地舖
張貼
