喜徠食堂 (已結業)

初一十五齋戒日，兜來兜去都搵唔到間目標齋舖，原來長洲唯一的齋舖已經執笠，趕時間是但衝入間茶記吧！凍奶茶，異常清淡，還飲得到茶香及奶味。熱菜蜜，沒怎樣特別，舒服暖暖微甜。鮮冬菇芽菜韮菜香濃鮮茄湯米粉，生芽菜爽脆非常而帶草腥味，韮菜爽甜，白雪雪米粉硬係覺得格格不入。整碗最好味係豆卜，索湯嚥韌香口。四川小麻辣肥牛出前一丁，白烚肥牛原味鞋韌。最討厭白烚出前一丁、最討厭用滾水沖湯粉完全無煮過，入口即刻食得出。麻辣在那裏？清淡水味湯底。墨魚腐皮卷，食完碗麵還未登場，苦苦等候終於出現！即炸滾熱辣，油光令令，油香微脆不過炸物油膩感頗濃，食落好似炸豬大腸。