金鶴拉麵 (利民大廈) (已結業)

一直仲未有時間出發飛去「家鄉」，就唯有本土覓食，食番碗正宗嘅拉麵係個唔錯嘅選擇，以前要去到佐敦先食到嘅金鶴，而家旺角都有間，實在方便得多。金鶴嘅拉麵最特別係附有炸牛蒡，又心思思食番佢個招牌「極濃雞白湯拉麵」，次次都唔會失手，奶白色嘅雞湯油份唔會太重，感覺好滋補。麵條嘅軟硬度適中有咬口，至於慢煮雞肉同豚肉叉燒有別於坊間傾向灸烤，保留左肉嘅嫩度，無咁肥膩啱晒女士。朋友揀左「北海道蟹湯拉麵」，貨真價實啖啖北海道蟹肉，連個湯都好濃嘅蟹味，自己拆蟹肉都頗費功夫，食得出心機之作。另叫仲嗌左碟日式餃子，香脆嘅外皮配上飽滿嘅餡料，熱辣辣好滋味！咁好食嘅拉麵原來除左堂食，都可以外賣自取番屋企，下次收工夜左就唔怕無乜好野食了。