Jan Jan 串揚專門店 (尊豪坊) (已結業)

每次去大阪，都一定會食串炸🍡好記得第一次食嘅時候，仲覺得好驚訝，點解食炸物一啲油膩同熱氣嘅感覺都冇嘅😆早幾日同朋友去咗尖沙咀嘅Jan Jan串揚專門店，嚟自大阪新世界嘅過江龍，香港仲係日本以外嘅第一間分店👍🏻佢哋應該好了解香港人對日本食物嘅需求🤣一入到去已經好有feel，裝修好有地道日本串揚店嘅感覺🇯🇵同朋友一人揀咗一個套餐。一份係特選串揚套餐，安格斯特級肉眼牛味好濃郁，口感鬆軟有彈性🐂柚子豚肉幾清新，另外有一串海鮮係海膽湯葉卷，咁啱係我鍾意嘅海膽😍呢款就唔洗再落醬汁調味已經好正，好新鮮。呢個餐會有兩款蔬菜，香菇厚身外汁，而茄子都好大件，食落夠香口又唔油🍆另一份就係特上串揚套餐，先講下金時紅薯，甜甜地配鹹鹹地嘅串揚醬汁，好夾，令到紅薯嘅甜味更加突出。日本洋蔥香氣四溢🧅三文魚嘅串揚真係第一次食，好味嘅但係我覺得串掦做法未必係好夾🐟而是日串揚廚師安排咗豚肉，有驚喜✨係半肥瘦嘅豚肉，有油脂香得嚟，口感又軟稔🐷半熟玉子做得好好，流心程度係一流🥚店員有教加啲鹽仲好食。套餐都有埋前菜/湯同兩件飯團🍙夠晒豐富。上菜時店員都會教路邊款串揚配啲咩醬料，細心！