影片
更多
2021-03-25
20 瀏覽
今日放假想搵個新景區行下，所以揀咗將軍澳呢個比較少去啲既地方，呢度好多大型商場同食肆，行到差唔多夜晚要搵嘢食嘅時候，遠望坑口明德商場嗰度有個寫住火焰山嘅大招牌，畀個招牌吸引住，跟住就去咗openrice睇下呢一間係食啲咩嘢，原來係識重慶火鍋同串燒。本身都好鍾意食呢個類型嘅菜式，再加上今日天氣轉涼，所以就揀咗呢間餐廳醫下肚呢度嘅裝修好有特色，大紅燈籠高高掛，加上特色牆同埋掛咗好多面譜，環境寬敞坐得又好舒服呢度嘅menu實在太多選擇，又有特色小食，又有串燒，又有烤魚雞煲，好多唔同類型嘅火鍋湯底，火鍋料多不勝數，女侍應唔知係咪見到我哋揀到頭昏腦脹，所以行過嚟問我哋鍾意食咩類型既野，然後介紹咗兩三款適合我哋口味嘅火鍋湯底，仲誠意介紹呢度嘅串燒好出色。經過悉心嘅介紹之下，我哋終於有頭緒，order 所以下嘅菜式：小黃雞遇上魚大少 （$298）呢個火鍋湯底裏面有一條生魚再加上雞件，有魚又有雞，湯底自然濃郁美味，湯裏面仲有好多粉絲，索晒啲湯嚟食非常好味手切頂級牛小排（小）（$188） 牛小排上枱嘅時候有乾冰煙霧出嚟，好似仙境一樣。牛肉味非常濃郁，有油香，正深海大尾鮮魷片 （$68）不得不讚呢度嘅
呢度嘅裝修好有特色，大紅燈籠高高掛，加上特色牆同埋掛咗好多面譜，環境寬敞坐得又好舒服
呢度嘅menu實在太多選擇，又有特色小食，又有串燒，又有烤魚雞煲，好多唔同類型嘅火鍋湯底，火鍋料多不勝數，女侍應唔知係咪見到我哋揀到頭昏腦脹，所以行過嚟問我哋鍾意食咩類型既野，然後介紹咗兩三款適合我哋口味嘅火鍋湯底，仲誠意介紹呢度嘅串燒好出色。經過悉心嘅介紹之下，我哋終於有頭緒，order 所以下嘅菜式：
小黃雞遇上魚大少 （$298）
呢個火鍋湯底裏面有一條生魚再加上雞件，有魚又有雞，湯底自然濃郁美味，湯裏面仲有好多粉絲，索晒啲湯嚟食非常好味
手切頂級牛小排（小）（$188）
牛小排上枱嘅時候有乾冰煙霧出嚟，好似仙境一樣。牛肉味非常濃郁，有油香，正
深海大尾鮮魷片 （$68）
不得不讚呢度嘅廚房擺碟非常之有心思，魷魚嚟到嘅時候以為自己order一碟貴價嘅食材，擺放得好靚。味道方面當然新鮮，鮮味十足，無得彈
秘製牛粉腸 （$78）
呢度嘅必食推介，牛粉腸好新鮮食落有少少油香，又爽又滑
香燒秘製一口牛舌 （$48）
重慶燒既味道，牛舌醃得好入味,食落好有口感同彈牙
蒙古孜然牛肉串 （$28）
食串燒點可以唔食羊肉串呀，羊肉好香好入味，正
總括嚟講呢度嘅環境裝修，食物質素，美味程度，服務態度，食物選擇，都無械可擊，呢間餐廳可以攞曬大滿貫
張貼
