戀上台式料理

營業中

休息中

將軍澳海濱長廊開咗好多餐廳，食完飯仲可以去散下步；今次就簡咗間台灣料理餐廳試下，雖然佢係台式料理餐廳，但佢仲會提供好多唔同類型嘅菜式，好似有羊腩煲、燒肉、酸菜魚，有勁多唔同嘅選擇。當日係平日夜晚，餐廳都接近坐滿哂人；呢間亦都係間寵物友善餐廳，好多附近住嘅街坊都帶埋自己嘅寵物一齊幫襯。如果鍾意chill啲嘅話，可以簡出面露天位坐。🐟烤魚 - 海鱸魚 （微辣蒜香）👍見呢排天氣有啲凍，就簡咗份烤魚暖下身；雖然佢係間台式餐廳，但佢嘅味道唔會差過出面專食烤魚嘅餐廳；海鱸魚好大條，肉質嫩滑鮮香，魚骨相對較少，而個醬汁好重蒜香，食到一半落埋個公仔面，個公仔面吸收哂醬汁嘅味道，每一啖面都好重蒜香。🦪 戀戀蚵仔煎👍蚵仔蒜嘅餅皮 Q彈帶嚼勁，口感相當有層次感，再淋上酸甜醬汁，好開胃，而蚵仔都幾肥美同新鮮，份量都頗多。🍚 小碗手工魯肉飯配溏心蛋呢間嘅魯肉偏瘦，無平時個啲咁肥膩，可以減輕罪惡感；佢嘅滷汁好香濃，撈飯一流，溏心蛋亦都整到岩岩好，蛋黃呈現濃稠液體嘅狀態。🍓 草莓沙冰 👍 平時飲草莓飲品都好驚會好甜同埋會飲到好假嘅草莓味，但係呢杯完全無呢個問題，飲落好重果香，有非常濃郁嘅士多啤梨味。🍵 冷泡桂花烏龍