Lagom Kaffe (已結業)

早兩日約咗個朋友傾旅行嘅嘢，想搵間舒舒服服嘅咖啡室坐下，朋友搵到呢間非常闊落嘅咖啡室，閒日下午茶時間人唔算太多，加上木系家具同咁大嘅空間令人覺得好放鬆！我哋下午茶時間嚟所以就揀咗個下午茶set，可以揀蛋糕或者係麵包配飲品。我就揀咗士多啤梨拿玻崙配咖啡，朋友就揀咗個火腿芝士酥配西式茶。個拿破崙酥皮夠脆，咬落鬆化好多層口感，中間嘅吉士醬唔會太甜，比預期中好味，配埋咖啡，中和下口腔甜味，仲有咖啡餘香係口，正！朋友講到佢個酥餅好好食鹹鹹地又有濃郁芝士香，酥餅中間唔會太乾又香，搞到我心思思，但我就鐘意食甜，終是試過朱古力酥，佢上面仲加埋朱古力醬真係啱曬我口味但係又唔會太甜唔錯！坐多咗一段時間之後我哋再要咗個炸魚薯條一齊食，睇落又係令人食指大動，伴碟有沙律同埋薯條，主角炸魚亦都係炸到脹卜卜，外皮粉漿唔會太厚，裏面嘅魚肉亦都好嫩滑熱辣辣好好食！食埋海量嘅薯條入面滿滿嘅薯仔令人加埋鋪面少少芝士粉，非常滿足！佢配有嘅醬汁都幾好食，唔係茄汁咁單一，讚！環境，食物都好好，值得encore!