天天海南雞飯 (Fashion Walk)

營業中

休息中

環境：坐落喺港島中心——銅鑼灣，低調既門面藏唔住氣派嘅內在。華麗嘅裝修、動聽嘅音樂、藝術品般嘅訂製餐具以及特意設計嘅餐牌，令人未開始食飯已經置身於一個非常舒適嘅環境。主食：天天海南雞 加 黃油飯平時海南雞通常會有三色醬料，而係天天海南雞有自己獨特嘅醬料，係非常配合味道，結果我完全冇掂過經典嘅三色醬料，配埋每日新鮮空運到港嘅雞，鮮嫩多汁。兩者結合，真係會以為自己食緊鮑魚。黃油飯用傳統石頭鍋原碗烹調，原煲上枱，四個字足以形容：齒頰留香。主食：黑金叉燒相信醬汁係呢間餐廳引以為傲既作品，半肥瘦叉燒，配合埋相信特意為呢度餸設計出來嘅秘製醬汁，放喺鐵板上面烹調，有如天作之合，成就豐富味道。主食：酸菜魚平衡味道亦係烹飪佳餚上最需要講究嘅地方，需要同時平衡酸味，辣味，魚嘅鮮味同埋口感，酸菜同埋黑胡椒嘅比例需要完美，我相信呢間餐廳已經搵到平衡之道。飲品：金牌豆花咖啡咖啡味濃郁，而不是苦味。由種植咖啡豆開始講究，確保每一個步驟唔出錯，先可以做到咁香濃嘅咖啡。