影片
更多
2018-09-03
74 瀏覽
今次黎試下一間紮根香港十多年嘅老字號川菜 - 四姐川菜。地點唔難搵，位於銅鑼灣時代廣場附近。簡樸嘅裝修，好合乎四姐style ，實以不華，真功夫作為招來。四姐川菜冇單點形式，係以每位計算方式收費。每位$340免收加一。我地兩個人可以點兩碟涼菜、三碟熱菜、仲有一碟蔬菜。我地點左招牌四川涼麵、重慶口水雞、招牌重慶水煮魚、辣子蝦同埋泡椒肥腸。菜就係一油墨菜。先講招牌四川涼麵 - 不愧招牌推介， 酸酸糖糖嘅涼麵，唔太辣好醒胃。 好啱夏天食，作為第一道開胃菜就最適合不過。重慶口水雞 - 第二道涼菜，紅油浸滿成個碟，以為好辣。但係食落又唔係，辣只不過係少少嘅調味，反而係油香浸雞，食落香味濃。招牌重慶水煮魚 - 呢個真係好好食，水煮魚好多人做得唔夠好，就係一味得個辣，但魚煮到好鞋。但係四姐就好到家，每一舊魚都煮得超滑。好好味。魚肉又多，份量都好夠。辣子蝦- 食呢碟蝦真係要用口去附殼。咁樣先會試真辣子嘅味道。佢本身蝦己經係用油爆到好脆好軟。如果要食埋佢都其實都得，不過我都係比較鐘意除殻食。泡椒肥腸 - 呢碟真係好野黎。我最欣賞佢整得好入味。每一舊肥腸都吸晒泡椒味。佢應該加左少少蕃茄。拎到肥腸多左少少酸
四姐川菜冇單點形式，係以每位計算方式收費。每位$340免收加一。我地兩個人可以點兩碟涼菜、三碟熱菜、仲有一碟蔬菜。我地點左招牌四川涼麵、重慶口水雞、招牌重慶水煮魚、辣子蝦同埋泡椒肥腸。菜就係一油墨菜。
先講招牌四川涼麵 - 不愧招牌推介， 酸酸糖糖嘅涼麵，唔太辣好醒胃。 好啱夏天食，作為第一道開胃菜就最適合不過。
重慶口水雞 - 第二道涼菜，紅油浸滿成個碟，以為好辣。但係食落又唔係，辣只不過係少少嘅調味，反而係油香浸雞，食落香味濃。
招牌重慶水煮魚 - 呢個真係好好食，水煮魚好多人做得唔夠好，就係一味得個辣，但魚煮到好鞋。但係四姐就好到家，每一舊魚都煮得超滑。好好味。魚肉又多，份量都好夠。
辣子蝦- 食呢碟蝦真係要用口去附殼。咁樣先會試真辣子嘅味道。佢本身蝦己經係用油爆到好脆好軟。如果要食埋佢都其實都得，不過我都係比較鐘意除殻食。
泡椒肥腸 - 呢碟真係好野黎。我最欣賞佢整得好入味。每一舊肥腸都吸晒泡椒味。佢應該加左少少蕃茄。拎到肥腸多左少少酸味。令到味道更加複雜同有層次。
總結黎講，佢係好合適本地人食嘅川菜，唔會好似傳統川菜咁辣到人地食唔到。份量每一碟都比足料。兩個人食絕對食到飽一飽咁離開。值得推介!
張貼
