影片
更多
2022-08-09
1284 瀏覽
《癡膠雞 - 太子》收左工約左男朋友去買禮物送俾屋企人，行完街例牌都會食埋飯先既番去，途經太子時見到呢間個名好特別既餐廳(叫癡膠雞😂😂😂笑死我) ，餐廳係食米線、雞煲、小食等中式菜式既，d野睇落都好o岩我地兩個口味，同埋我地兩個都鍾意飲湯，所以”無咩所謂咪試下囉”既心態入左去，當時5點幾唔洗等位直入，但入面都有好幾枱客食緊D一煲煲既野食，我地坐低前望左一望人地食D咩等自己有得參考下😝💁🏻♀️招牌花膠雞湯米線 $68💁🏻♀️椰子雞米線轉薯粉 $58💁🏻♀️椒鹽粟米 $28💁🏻♀️咸檸7 跟餐加$10男朋友叫左招牌花膠雞湯米線，而我就要左椰子雞米線轉薯粉，另外我地仲加左個椒鹽粟米試下🤔之前o係居酒屋試過一次覺得好好食，見呢度有諗住試試好唔好食🤓椒鹽粟米好快就上枱，黎到個樣同相象中既有D 唔一樣，我以為會係乾身少少既tim😂不過個粟米好甜，加埋椒鹽一咸一甜咁味道幾特別，男朋友好鍾意❤️而且呢個價錢有8舊都真係唔話得食到咁上下，我地個米線都陸續到啦，兩個餐都係用鐵鍋燒住咁送上枱，包保所有野都熱辣辣，椰子雞薯粉一黎就聞到好濃椰子香，D湯睇落份量好多而且係奶白色既，仲見到好多椰子肉🥥同埋紅棗雲耳等既
收左工約左男朋友去買禮物送俾屋企人，行完街例牌都會食埋飯先既番去，途經太子時見到呢間個名好特別既餐廳(叫癡膠雞😂😂😂笑死我) ，餐廳係食米線、雞煲、小食等中式菜式既，d野睇落都好o岩我地兩個口味，同埋我地兩個都鍾意飲湯，所以”無咩所謂咪試下囉”既心態入左去，當時5點幾唔洗等位直入，但入面都有好幾枱客食緊D一煲煲既野食，我地坐低前望左一望人地食D咩等自己有得參考下😝
💁🏻♀️招牌花膠雞湯米線 $68
💁🏻♀️椰子雞米線轉薯粉 $58
💁🏻♀️椒鹽粟米 $28
💁🏻♀️咸檸7 跟餐加$10
男朋友叫左招牌花膠雞湯米線，而我就要左椰子雞米線轉薯粉，另外我地仲加左個椒鹽粟米試下🤔之前o係居酒屋試過一次覺得好好食，見呢度有諗住試試好唔好食🤓椒鹽粟米好快就上枱，黎到個樣同相象中既有D 唔一樣，我以為會係乾身少少既tim😂不過個粟米好甜，加埋椒鹽一咸一甜咁味道幾特別，男朋友好鍾意❤️而且呢個價錢有8舊都真係唔話得
食到咁上下，我地個米線都陸續到啦，兩個餐都係用鐵鍋燒住咁送上枱，包保所有野都熱辣辣，椰子雞薯粉一黎就聞到好濃椰子香，D湯睇落份量好多而且係奶白色既，仲見到好多椰子肉🥥同埋紅棗雲耳等既配料，雞件大幾有5件左右，放埋個薯粉落去煮一定夠飽，我反而係擔心食唔曬添😅不過個湯係我鍾意既味道同埋好好飲，有D似泰國餐廳既椰汁雞湯走酸版，我最後係食唔曬個麵但飲曬成煲湯的😋
而男朋友既招牌花膠雞湯米線一上黎就黃甘甘咁，上面層雞油有D嚇人😳但畢走左層油之後就見到濃濃既雞白湯，Exactly 係平日食日本拉麵既雞白湯，男朋友話成煲都係湯料，雞有6、7舊，花膠都唔少，數到既都有6件，兩個湯我都有試，佢個湯就真係似屋企煲花膠雞湯咁囉，我都鍾意既，不過相比黎講一定係自己個椰子雞特別D，同埋出面好少有😋😋😋男朋友最後都食唔曬個麵但又係飲曬成煲湯So Sad 😝
另外有一樣野我覺得呢間餐廳好好既係俾到客人感覺好有人情味，我地一入到店掃完針卡，個姐姐就拎左兩杯餐廳自製既羅漢果菊花茶俾我地，同埋我見姐姐們都會同客人交流的，有D客睇落都似係熟客，到我地埋單時又會問下我地D野食好唔好食呀等等，態度好親切。我地最後埋單$164， 平均每人都係$82，食到好飽又好滿足，之後行過一定會再黎試下其他湯米線的😎
張貼
