心之食堂 (裝修中)

收工同朋友落銅鑼灣食好野，日本野係我地最愛😍一早上到黎都已經見到有幾枱客，過多一陣食食下都已經坐滿哂人，成間餐廳都幾熱鬧店員好好客同友善咁同我地介紹廚師推介，最後我地叫左個壽喜鍋而餐牌上既食物種類都幾多，而且價錢合理，想食咩就用枝水筆係餐牌上面寫壽喜鍋有娃娃菜、冬菇、本菇同肥牛，食材非常新鮮，湯底好濃郁，甜甜地，所有食材索哂d湯汁，好正，肥牛脂肪比例均勻，牛味好重，天氣凍食呢個好正邪惡包，都真係幾邪惡，紫菜包住帶子，帶子夾住鵝肝，帶子非常鮮甜，鵝肝油脂好香，正彩虹卷，顏色鮮豔，賣相好靚，裡面包住炸蝦，脆卜卜，上面仲有蟹籽同魚籽，口感豐富，非常好食蟹肉忌廉餅，炸得好香脆，食落唔油膩，都幾creamy心動大阪燒，出到黎真係一個心形，好靚，食落幾香，中間濕濕地，唔會好乾。鹽燒雞翼，燒到岩岩好，皮脆肉嫩，好味芝麻雪糕，好濃郁既芝麻味，係成餐既happy ending