影片
更多
2019-02-04
530 瀏覽
由於部分姊妹經常要加班, 起碼都要21:00先收到工, 我地今次飯聚就揀左呢間銅鑼灣新開的火鍋店隨變火鍋食, 因為呢度開到零晨三點, 而且22:00後宵夜時段仲有85折優惠。我同兩個姊妹先逛逛時代廣場, 21:45接埋姊妹收工上去, 時間剛剛好。雖然係平日的夜晚, 不過客人非常多, 我地10點去到都要等位。餐廳仲左享有海景之外, 裝修同普通火鍋店唔同, 比較時尚高貴, 而且特別設有吧枱, 人少少都可以黎呢d吧枱位食雞煲, 或者簡單食下串燒飲飲生啤。我地4個都已經好肚餓, 一坐底先點左幾客串燒食, 再點招牌火鍋慢慢食慢慢傾。餐牌一夜情(中翼夾芝士腸) 28隨變火鍋的串燒係即點即製, 由去骨雞中翼包住芝士腸呢款串燒, 外脆內嫩, 啖啖肉, 味道唔錯。$28有兩隻, 我地一人一隻唔駛爭食。隨變麻辣雞煲 半隻 198雞煲我地揀左少辣, 味道好香濃, 有別於一般麻辣雞煲, 隨變的招牌雞煲湯比較多, 而且好多配料, 味道好有層次, 雞肉又夠嫩, 個湯底用黎打邊爐非常惹味。隨變粉200g 28係隨變食麻辣雞煲一定要點呢款隨變粉, 口感爽滑彈牙, 吸滿香濃麻辣雞湯, 味道一流。即炸響
雖然係平日的夜晚, 不過客人非常多, 我地10點去到都要等位。餐廳仲左享有海景之外, 裝修同普通火鍋店唔同, 比較時尚高貴, 而且特別設有吧枱, 人少少都可以黎呢d吧枱位食雞煲, 或者簡單食下串燒飲飲生啤。我地4個都已經好肚餓, 一坐底先點左幾客串燒食, 再點招牌火鍋慢慢食慢慢傾。
餐牌
一夜情(中翼夾芝士腸) 28
隨變火鍋的串燒係即點即製, 由去骨雞中翼包住芝士腸呢款串燒, 外脆內嫩, 啖啖肉, 味道唔錯。$28有兩隻, 我地一人一隻唔駛爭食。
隨變麻辣雞煲 半隻 198
雞煲我地揀左少辣, 味道好香濃, 有別於一般麻辣雞煲, 隨變的招牌雞煲湯比較多, 而且好多配料, 味道好有層次, 雞肉又夠嫩, 個湯底用黎打邊爐非常惹味。
隨變粉200g 28
係隨變食麻辣雞煲一定要點呢款隨變粉, 口感爽滑彈牙, 吸滿香濃麻辣雞湯, 味道一流。
即炸響玲卷 58
除左隨變粉外, 炸響玲亦都係麻辣雞煲必點配料, 即炸的響玲卷非常香脆, 只需輕灼兩, 三秒, 又辣又脆。
頂級手切牛頸脊 188
雖然我唔太食牛, 不過呢款手切牛頸脊姊妹們都大讚, 所以我食左兩片, 口感果然非常軟腍, 入口即溶。
油香豚腩片 118
豚腩片係我最愛, 油脂豐腴, 肉質細緻, 不需沾上醬油都好美味。
不可錯過手工雲吞王 手工西洋菜餃 手工魚皮餃 32/份
隨變的手工餃餡料飽滿, 餃皮富有彈性, 我特別喜歡手工雲吞王, 超多蝦肉, 非常鮮味。
我地邊食邊傾, 最後食到12點幾先走, 八折後埋單每位只係$180, 好抵食。
張貼
