影片
更多
2019-05-19
333 瀏覽
今日放假同女朋友出街，入左元朗個頭行，到夜晚咁上下搵野食，上openrice搵到呢間邊爐幾特別，行宮廷風，就同女朋友去試食，食餐好既，so far 食完都唔錯，同大家分享下haha內外既裝潢都十分古色古香，企係出面既服務女生都係著旗袍食物既種類好多，而且有d幾特別，出邊打邊爐都未必會見到有，我地都叫左幾款邊爐湯底都有成十幾款，我最後試左卜卜蜆鍋(見人地叫左冬瓜瑤柱鍋，好霸氣，同好特別，我已經決定下次要試下)唔好睇佢好似好少咁，成個湯入面都係蜆，我地應該至少食左過百隻😂佢主要有兩種蜆，兩隻都好新鮮，細個隻清甜d，前期吐沙亦做足，基本上隻隻都啖啖肉老闆叫我地可以試下個湯，可以飲本身我都怕會腥，但出奇地清甜鮮味，一d腥味都冇，最後飲左兩碗！火鍋料方面，我覺得呢幾隻大家都可以試下，個人食完覺得都十分不錯！即炸黃金響鈴 & 豬頸肉鹹蛋黃配上響鈴，頗新鮮既配搭，而且係即炸，十分鬆脆。就咁食就好重鹹蛋黃味，不過浸一浸蜆鍋既湯底，冇咁咸之餘又帶點清甜，一舊響鈴，兩種食法豬頸肉上碟已經好靚，將肉排成花既形狀，未食已經加分，當然食落都幾好瑤柱乾貝滑平時打邊爐一定有蝦滑同墨魚滑，呢個反而特別d有呢樣，所以叫
內外既裝潢都十分古色古香，企係出面既服務女生都係著旗袍
食物既種類好多，而且有d幾特別，出邊打邊爐都未必會見到有，我地都叫左幾款
邊爐湯底都有成十幾款，我最後試左卜卜蜆鍋
(見人地叫左冬瓜瑤柱鍋，好霸氣，同好特別，我已經決定下次要試下)
唔好睇佢好似好少咁，成個湯入面都係蜆，我地應該至少食左過百隻😂佢主要有兩種蜆，兩隻都好新鮮，細個隻清甜d，前期吐沙亦做足，基本上隻隻都啖啖肉
老闆叫我地可以試下個湯，可以飲
本身我都怕會腥，但出奇地清甜鮮味，一d腥味都冇，最後飲左兩碗！
火鍋料方面，我覺得呢幾隻大家都可以試下，個人食完覺得都十分不錯！
即炸黃金響鈴 & 豬頸肉
鹹蛋黃配上響鈴，頗新鮮既配搭，而且係即炸，十分鬆脆。就咁食就好重鹹蛋黃味，不過浸一浸蜆鍋既湯底，冇咁咸之餘又帶點清甜，一舊響鈴，兩種食法
豬頸肉上碟已經好靚，將肉排成花既形狀，未食已經加分，當然食落都幾好
瑤柱乾貝滑
平時打邊爐一定有蝦滑同墨魚滑，呢個反而特別d有呢樣，所以叫黎試下，食落幾有口感，幾爽口彈牙，不錯不錯
手打肉丸拼盤
佢總共有10粒，分別牛、墨魚、蝦丸(近排豬瘟所以冇豬肉丸)，應該係手打既關係，肉丸特別彈牙鮮味，而且粒粒都好飽滿，值得叫黎試下
我打邊爐通常會叫d去火清涼既野飲，而我叫左竹蔗茅根，50幾蚊有一大揸，而我覺得佢個種甜度適中，出邊好多飲落都好假，得個甜字，而呢個唔會郝喉，係幾好飲
最後仲有甜品一人一客，都幾好食，特別係雪梨糖水
而最後我覺得佢地服務好，主動去收野、介紹野食、有時候幫我地斟嘢飲、加湯等，甚至幫忙撈湯面上既飄浮物，有d皇帝式服務既感覺，幾迎合佢地既宮廷風
總括黎講，食物、服務、環境既質素都十分不錯，我已經諗住下次黎試下個冬瓜瑤柱鍋！
張貼
