唐述

營業中

休息中

上網見到餐廳環境好靚佈置好有特色，餐廳樓底好高望住維多利亞港，同埋餐具全部都好靚，今次訂咗佢哋嘅世味人生。甜椒醬蟶子皇上菜嘅時候個底用咗乾冰充滿視覺效果，蟶子皇食落都幾新鮮，配埋個汁酸酸甜甜幾惹味。百香梅茄.三絲海蜇.20年古越龍山花雕浸鮮蝦先食咗個百香梅茄，酸酸甜甜好開胃，同埋佢有啲果凍配埋個茄食都幾夾。凍盤有海蜇勁好味，花雕蝦食落好重花雕味我幾鍾意。杏汁肆菓燉螺頭湯個螺頭湯好有驚喜，每一啖都好香杏汁味道，配埋冬瓜、西瓜、蜜瓜原來都幾夾，食落好香滑，入面仲有螺頭超好飲。蟬衣玉帶個帶子似乎煎得啱啱好，入面都仲係好鮮嫩出面個皮就煎得好香。珍寶珠細個食珍寶珠就食得多，大個咗之後都好耐冇食過，呢度粒珍寶珠好有驚喜係石榴味，配埋個桃膠一齊食勁夾。海苔蔥燒銀鳕魚海苔蔥勁好味，燒銀鱈魚勁香魚油同埋好滑，塊魚皮都煎得好香。荷香子薑欖豉醬蒸雞個蒸雞做得幾滑，連埋個冬瓜一齊食口感好有層次。魚香手功寬麵手工寬麵好有特色，個麵質做得啱啱好配埋個魚香汁食落去停唔到口。香芒雪燕烏豆花入面勁多雪燕配埋豆腐花食個口感勁滑，食完個人即刻容光煥發。