影片
更多
2021-05-13
93 瀏覽
由細到大都好鍾意食印度菜，因爲香料多、微辣又刺激！之前去開都係D比較高級既印度餐廳，今次就試下親民又高質、位於上環既【Basmati Indian Restaurant印度皇】。位置方便、餐廳寬敞、而且老闆超級nice。最特別之處係餐廳會根據客人年齡同國籍而控制食物既濃淡同辣度，非常貼心同客制化！小食（老闆贈送/平時無得禁叫）：小食拼盤包括炸奶酪球、蔬菜餅同samosa。全部新鮮炸起，印度既奶酪有D似豆腐、豆乾，無咩奶味同基本上唔heavy。蔬菜餅非常香口、有好多種類既蔬菜同香料mix埋！samosa算係我食過數一數二好食既！微辣但香濃既咖喱薯仔，外面又炸得香脆！印式芝士餃子：其實個style有少少似尼泊爾既momo，不過形狀更似我地既餃子。裏面有芝士同洋葱仲有D香料。餡都ok多、不過裏面本身無肉所以唔會話特別juicy。個皮凍左都唔會硬！印式芝士炒飯：使用印度香料飯再加蔬菜同印度芝士既炒飯。味道超足，印度芝士完全唔會膩，不過覺得質地濕左少少。但整體好特別同味道超好！印式鹹煎餅：本身帶少少鹹味，但搭配咖喱都幾match！椰菜花薯仔咖喱：椰菜花同薯仔有輕微超過、炸過，所以好香。呢款咖喱偏
小食（老闆贈送/平時無得禁叫）：小食拼盤包括炸奶酪球、蔬菜餅同samosa。全部新鮮炸起，印度既奶酪有D似豆腐、豆乾，無咩奶味同基本上唔heavy。蔬菜餅非常香口、有好多種類既蔬菜同香料mix埋！samosa算係我食過數一數二好食既！微辣但香濃既咖喱薯仔，外面又炸得香脆！
印式芝士餃子：其實個style有少少似尼泊爾既momo，不過形狀更似我地既餃子。裏面有芝士同洋葱仲有D香料。餡都ok多、不過裏面本身無肉所以唔會話特別juicy。個皮凍左都唔會硬！
印式芝士炒飯：使用印度香料飯再加蔬菜同印度芝士既炒飯。味道超足，印度芝士完全唔會膩，不過覺得質地濕左少少。但整體好特別同味道超好！
印式鹹煎餅：本身帶少少鹹味，但搭配咖喱都幾match！
椰菜花薯仔咖喱：椰菜花同薯仔有輕微超過、炸過，所以好香。呢款咖喱偏稀，但味道又好濃，係禁多款食物入面偏辣少少。
香滑馬沙拉鷄：用香濃番茄醬加cream同香料整成，所以呢款基本上唔辣，而且配naan或者餅都好好食。鷄肉微微煎左，好香好嫩！超級推！
Rice Pudding：米飯加奶整成既甜品，仲有加香料。係甜品裏面加香料真係好特別，上面係四分一印度湯圓。之前聼人話好甜，不過四分一粒同其他野一齊食又ok。
芒果酸奶：超級大杯，好香濃芒果味，而且唔會太甜。酸酸地好開胃！
張貼
