牛精皇 (已結業)

隔左一段時間又再試呢間，今次見佢出左新湯底好似幾吸引就決定試下，上火鍋煲個時佢先煲滾左d湯，再成條魚落去，煲多十幾分鐘之後就可以飲湯，同起左條魚黎食啦D湯好鮮味呀，因為真係成條魚放落去煲，好似屋企煲個d 魚湯咁鮮甜，再試下條魚，D肉因為唔係煲左好耐既關係，所以食落好嫩滑，我地食晒成條咁濟今次試d 上次冇食過既野先，好少打邊爐有鮮魚卜食，係到見到真係好驚喜！魚卜好滑，煮到淋身，加埋魚湯真係perfect match!!! 如果嗌魚湯既話一定要試埋佢佢呢度好多野都可以雙拼，我地就揀左蝦同墨魚滑，兩款都加左蟹子，令d丸彈牙得黎又可以增加口感，又可以同時試晒兩款另外我地再嗌左雙拼豬潤同豬腰，兩款都好值得推薦，本身佢切得既厚度岩岩好，唔會太薄身冇口感，只要再自己煮既時候控製好D，就可以食到好嫩滑既豬腰！另一款好特別既就係鵝肝墨丸，成粒墨魚包住鵝肝，幾得意，墨丸本身味道唔太重味，所以都會食到鵝肝既味道每次黎我都會食牛骨髓，因為好鐘意食D滑身既野食，亦都唔係好多火鍋店可以食到架。而佢既牛脷就好爽口，砌得偏薄少少，煮兩下就食得