影片
更多
2018-09-18
90 瀏覽
最近喺尖沙咀the one睇戲之後落去見到有間日式食品店，因為都有啲肚餓費時周圍搵， walk in咁岩有位就直接入去食嘢。餐牌選擇都有好多，因為都比較肚餓，叫咗飯同埋叫咗啲甜品，圖片實在太吸引！CR3. 咖喱炸豬扒飯$108本身見佢主力食烏冬，都對咖喱豬扒期望不大，但係點知佢個豬扒可以做到皮香脆得來比較薄身口感比較好，食落去唔會成層皮咁，啲豬扒仲要好新鮮！！食落去比較爽；咖喱係甜咖喱，味道都好清新，珍珠米嘅配搭就最好不過。R11. 迷你三彩丼定食$148呢個比較特別嘅就係有三碗細細地，可以一次過滿足晒三個願望。鰻魚飯鰻魚飯嘅鰻魚係日本鰻魚，質感比較有彈性而且較為香。用上咗珍珠米嘅配搭，味道分外香。吞拿魚碎魚生飯吞拿魚碎魚生飯都好清新，除咗表面嘅吞拿魚碎分量十足之外，中間仲有一層一條條好細條嘅紫菜，令到魚嘅香味更為突出。海藻烏冬海藻烏冬細碗就冇咁膩，湯底非常清新冇咩味精嘅feel，仲要海藻烏冬裏面真係有一粒粒海藻，烏冬唔係平時食嘅烏冬嘅質感反而比較似金邊粉嘅形狀但係比較爽口。佢本身跟咗個沙律，味道清新，除咗好爽甜嘅西生菜之外仲有粟米同蕃茄仔，配上醋食就更加開胃。H3咖啡凍朱古力慕絲芭菲
餐牌選擇都有好多，因為都比較肚餓，叫咗飯同埋叫咗啲甜品，圖片實在太吸引！
CR3. 咖喱炸豬扒飯$108
本身見佢主力食烏冬，都對咖喱豬扒期望不大，但係點知佢個豬扒可以做到皮香脆得來比較薄身口感比較好，食落去唔會成層皮咁，啲豬扒仲要好新鮮！！食落去比較爽；咖喱係甜咖喱，味道都好清新，珍珠米嘅配搭就最好不過。
R11. 迷你三彩丼定食$148
呢個比較特別嘅就係有三碗細細地，可以一次過滿足晒三個願望。
鰻魚飯
鰻魚飯嘅鰻魚係日本鰻魚，質感比較有彈性而且較為香。用上咗珍珠米嘅配搭，味道分外香。
吞拿魚碎魚生飯
吞拿魚碎魚生飯都好清新，除咗表面嘅吞拿魚碎分量十足之外，中間仲有一層一條條好細條嘅紫菜，令到魚嘅香味更為突出。
海藻烏冬
海藻烏冬細碗就冇咁膩，湯底非常清新冇咩味精嘅feel，仲要海藻烏冬裏面真係有一粒粒海藻，烏冬唔係平時食嘅烏冬嘅質感反而比較似金邊粉嘅形狀但係比較爽口。
佢本身跟咗個沙律，味道清新，除咗好爽甜嘅西生菜之外仲有粟米同蕃茄仔，配上醋食就更加開胃。
H3咖啡凍朱古力慕絲芭菲$48
鍾意食咖啡嘅人一定要試吓呢個！慕絲芭菲總共有幾層，最低嗰層就係咖啡味比較濃郁嘅咖啡動=上一層就係咖啡味嘅慕絲，配搭埋朱古力味就更加清新怡人。
J5 日本草莓蛋捲$60
草莓蛋捲主要個底都係香草蛋捲，但係佢個價錢比起其他蛋捲貴一倍主要原因係因為用咗日本草莓，日本草莓來貨都幾貴！香草蛋捲非常之香滑柔軟鬆化，中間嘅日本草莓甜味十足夠晒清新。
個餐有芝麻蛋卷~正呀!!好香芝麻味，好真實！
日本青森蘋果汁$40
青森蘋果汁不嬲都係正，甜味適中之餘蘋果味亦都非常出色，唔似飲緊化學野，夏天飲用就最解渴。
G3. 牛奶咖啡$50
朋友選擇嘅牛奶咖啡只能夠係凍，朋友就話味道比較清新，不過就少啲飲咖啡所以都冇試。
張貼
