鍋心八鮮蒸鍋 (已搬遷) 新店位置

同朋友一直都好中意食鍋心噶粥底火鍋，知道區係隔離開左間鍋心蒸鍋，於是就book位試下。今日終於可以去試下啦。我地book左8點半，準時到就入去啦。一坐低，就可以揀海鮮噶配料同飯噶配料。好快，湯就到啦，我同朋友都覺得好好飲，湯料好多，有雞腳，蘿蔔，茶樹菇，烏雞同豬肉，好重料。跟住，d海鮮陸續到，服務員幫我地蒸同睇時間，所以唔怕蒸得唔夠熟或過熟。每樣海鮮都好新鮮，好好味。唯獨是蒸魷魚我地揀左沙爹蒸，沙爹太鹹，下次都係揀清蒸好d。其他海鮮–龍蝦，海蝦，北極貝，帶子，蟹，鮑魚，同d配料都好夾。個蒸飯好好味，因為料足，味道好夠，其實份量真係好多，我地兩個女仔食剩好多飯，見隔離幾張檯都有打包走。最後，個雪耳木瓜糖水都好正，呢種天氣潤一潤，完全滿足曬。食完之後，已經同fd淰定幾時再book黎食。