影片
第一次食蒸鍋, 職員好有耐性講解, 專人招乎, 食到差不多時便會幫忙蒸下一樣海鮮, 食得舒服又開心; 份量足, 醬料味唔會蓋過海鮮味; 食完海鮮已經好飽, 蒸飯同甜品都一定要食, 燉奶真係食到好窩心, 值得再來; 個飯食唔晒都要打包 yummy
繼續閱讀
平日夜晚, 一早訂好8時半4位, 不用等如果假日即日訂位, 次次都滿座8樣海鮮+8款自選餸蒸飯=$268(免加一)所有海鮮都可以自選可選的調味料蒸每樣海鮮都有款配菜半邊芝士波士頓龍蝦, 肉質ok陳皮鮑魚配蘿白ok蒜蓉花甲配翠玉瓜蒜蓉開邊蝦配蕃薯ok蚌類, 一般北寄貝, 有d硬, 一般魷魚爽爽地ok個飯不是很入味,但勝在料夠多淡淡的雞蛋布丁, 不夠蛋味海鮮尚算新鮮, 以這個味道及價錢可以嘗到這麼多海鮮加吃到飽, 算是很抵食
繼續閱讀
見朋友話想食蒸氣火鍋，諗起有日經過大圍見到呢間就去左食啦～佢係計人頭收費，每個人有指定份量既海鮮，唔洗驚分得唔均，仲有唔同既烹調法方俾你揀（芝士/清蒸等等），最特別係有個魷魚腸粉，有得俾你揀沙爹/紅糟（紅糟我都唔清楚咩黎，店員推薦，甜甜地味道好特，不過我個人就麻麻😂）首先一黎到會有個燉湯，好足料👍之後店員就會幫你上唔同既海鮮，會幫你較晒時間唔驚太熟/生，岩岩好，仲會幫你分埋食到最尾係一個八寶飯，唔同坊間大多數係粥，佢有好多料俾你揀，呢個飯好似平時食點心既蒸飯咁，好入味最尾有個糖水埋尾，我個日食係腐竹蛋，好圓滿價錢抵食，服務又好，一定會再去👍👍👍❤️
繼續閱讀
之前試過隔離嘅火鍋，非常正，今次兩公婆就試試呢個蒸氣海鮮，本來要早早訂座先有得食嘅，今次因為有人放飛機，我哋就好好彩可以唔洗book都食到。唔洗三百蚊位，有足料燉湯，龍蝦，鮑魚，中蝦，蟶子，象拔蚌，大蜆，魷魚腸粉，肉蟹，八寶蒸飯，最後仲要加個燉蛋做甜品，除咗地方比較細，我都諗唔到有乜可以彈。8個海鮮，同上次火鍋一樣超新鮮，點解咁串一定要預早book，因為佢哋真係要預材料，最好味係個龍蝦，最驚喜係個魷魚腸粉，腸粉滑到呢，最鍋心係個蜆，蒸好之後有兩隻唔開殼，個侍應竟然再蒸兩隻俾我哋，超均真。食到八寶蒸飯，食唔落喇，全部包走咁滯，但好好食，尤其係個雞軟骨餅。好戲在後頭，本來趕住唔食個甜品，但侍應叫住我食埋先，嘩，真係好好味，個燉多好有蛋香，甜度又適中，唔食真係走寶。
繼續閱讀
態度勁差。人品差。未開門已經見佢鬧啲同事。問佢少少野答都唔答。我極度懷疑店長個個禮拜都會失戀。鋪頭細又唔舒服，仲要受佢氣。好似爭佢錢咁。以後都唔去，除非果條友冇做。
繼續閱讀