影片
更多
2015-01-12
4858 瀏覽
與知心好友聚頭，最好當然係晚飯後把酒談心的一刻。找一間好的餐廳，不但能分享美酒甜點，更可讓大家在美麗的環境下分享心事，記著這一瞬。選擇hotel icon的green，除左鍾意佢環境清靜夠private，座椅舒服而且戶外方便抽煙絕對係值得加分的優點。一去到已經被滿佈莓子的野莓mousse蛋糕($280)深深吸引，無論賣相顏色都一百分，從來被視覺控制一切既我地決定叫呢個一磅大既蛋糕四人分。紅莓草莓藍莓野莓色彩紛呈，原本都驚得個樣，但食落口發現好好食，唔會太甜，有士多啤梨味既同時食到慕絲的甜味，一啲都唔覺得漏，而且草莓甜甜酸酸的，容易入口又開胃。加上莓子好新鮮，令人一口一口的吃個不停。因為我地無將個蛋糕好禮讓咁分四份，所以五分鐘就已經將佢清左。唯一個人認為有點不足的是外層的白朱古力過甜，不過相信因人而異，因為我身邊的朋友就食得好滋味！食完蛋糕少不免要飲返杯cocktail/mocktail. 在bar tender的推介下我地點左幾杯不同的雞尾酒，一般都係偏向果味同較fresh，適合食完蛋糕後refresh喉嚨口腔。特別喜歡呢杯又fresh又清新的酒精類飲品。唔會太甜，沖淡蛋糕留在口腔的味
與知心好友聚頭，最好當然係晚飯後把酒談心的一刻。找一間好的餐廳，不但能分享美酒甜點，更可讓大家在美麗的環境下分享心事，記著這一瞬。
選擇hotel icon的green，除左鍾意佢環境清靜夠private，座椅舒服而且戶外方便抽煙絕對係值得加分的優點。
一去到已經被滿佈莓子的野莓mousse蛋糕($280)深深吸引，無論賣相顏色都一百分，從來被視覺控制一切既我地決定叫呢個一磅大既蛋糕四人分。
紅莓草莓藍莓野莓色彩紛呈，原本都驚得個樣，但食落口發現好好食，唔會太甜，有士多啤梨味既同時食到慕絲的甜味，一啲都唔覺得漏，而且草莓甜甜酸酸的，容易入口又開胃。加上莓子好新鮮，令人一口一口的吃個不停。因為我地無將個蛋糕好禮讓咁分四份，所以五分鐘就已經將佢清左。唯一個人認為有點不足的是外層的白朱古力過甜，不過相信因人而異，因為我身邊的朋友就食得好滋味！
食完蛋糕少不免要飲返杯cocktail/mocktail. 在bar tender的推介下我地點左幾杯不同的雞尾酒，一般都係偏向果味同較fresh，適合食完蛋糕後refresh喉嚨口腔。
特別喜歡呢杯又fresh又清新的酒精類飲品。唔會太甜，沖淡蛋糕留在口腔的味覺，而且冰冰涼涼令人好醒神，非常值得一試。因為坐左好耐，加上大家都很回味個Berry Mousse Cake，所以就每人再選了一件自己喜愛的蛋糕再分甘同味。
綠茶蛋糕，藍莓蛋糕，芒果mousse同玫瑰草莓蛋糕，為呢晚的談心夜點晴。
四個蛋糕各有特色，綠茶味道清清啖啖，餅底好味又襯托到蛋糕的綠茶芝士，口感軟軟綿綿，食落去好溫柔的感覺，而且中間層的脆脆塊食到好有口感。
藍莓蛋糕，一向不愛酥皮的我食落口完全無油膩的感覺，好脆好鬆化，而且藍莓很開胃，令人不知不覺就食哂成舊。
芒果mousse，唔係太濃芒果味，質感軟熟好得意，同樣唔算太膩，不過可能唔係芒果當旺的季節，所以驚喜相對的少，但整體而言仍是酒店級水平。
玫瑰草莓蛋糕，淨係賣相已經滿分，顏色外形令我地幾個女仔心花怒放。食落去唔會甜，一洗「好吃甜品一定甜」的想法。有啲似啫喱又似慕絲的感覺，加上一瓣玫瑰，令人好elegant地陶醉在其中，忘掉一晚高卡路里的罪惡感。
整體而言，呢度既甜點飲料都係酒店級水準，但價錢卻不算貴，每件蛋糕都係$50-$60，而$280的Berry Mousse Cake更是超值。Bartender不但調出清新易入口的飲料，更貼心送上暖水。一百分的環境，一百分的甜品，一百分的服務，絕對係同知心好友聚頭的好選擇。
張貼
