Slow Bar & Restaurant (已結業)

我地兩個人訂左台，行入去個度得一台人，其實我walk in佢都有台俾我，偏偏要左check右check。最終搞左15分鐘先settle到，我地兩個揀食磯燒，要係出面露台，依個我地知嘅。問題係個樓台環境超惡劣，好似係隔離係搭棚又有垃圾，坐得好唔舒服。個到係黑到一個點，我6:30走入去食，根本連塊肉係咩都睇唔到，唔好話睇佢熟未。講到食物，佢明明話係任食，其實根本係假嘅。佢係有一set野食定好曬俾你，無得你揀想食咩，我地食左第一輪，d海鮮唔新鮮，條魚鹹到死，完全唔得。我同佢講下一輪唔使俾海鮮淨係俾肉得喇，佢唔肯，話咩整好左無得改。其實海鮮點都貴過肉啦係唔係啊。我話唔想浪費，佢竟然話唔緊要，哈？仲有就係服務態度超差，唔單止唔俾我地走餸，仲係咁黑我地面，講野寸兜兜。完全無辦法溝通。2個鐘「任食」，仲要食唔飽，淨係受左一肚氣。最嬲係佢個任食係假嘅，又無講明，違反消費者權益。