我愛慢煮 (孖沙街) (已結業)

星期六約左朋友一齊黎，諗住試下佢慢煮出黎既原汁原味係如何。中午黎到見環境都 ok 幾舒服，但冇 Cafe 要有既音樂所以冇氣氛。入到去完全冇人招呼你。我地卜左位，所以要行去個開放式廚房度同佢地講。服務員啲態度好冷淡，零服務可言，似應酬。叫左個雞髀，朋友叫左腩肉，一上枱覺得好靚以為好好食，點知完全冇味，啲雞髀仲要未熟，入面好多血好腥好難食，腩肉又係冇味！說好的慢煮呢？？？去拎左啲調味先勉強叫食得落口。叫左杯果汁，又貴又超細支。一食完出黎我地都決定唔會再幫襯。