清真牛肉館 (打鼓嶺道)

營業中

休息中

去到九龍城，除左泰國菜，我就成日聽清真牛肉館呢個名，佢地最出名嘅牛肉餅好似話日賣過千個，所以我次次去九龍城都幾乎會食。留意用係點心嘅肉餡應該係一樣嘅，所以如果叫左牛肉餅，我就唔建議食牛肉鍋貼，小籠包之類。————————————————🐮 清真牛肉餅, $44（4/5）牛肉餅係即叫即整嘅，大概係叫左之後要等五至十分鐘到。牛肉餅皮薄平均，一咬落去，肉汁好似食緊小籠包咁係口到爆出嚟。牛肉餡無筋，亦加入少少葱增加口感同香味。不過可能因為自己食嘢比較清，所以覺得調味稍重手。P.S.因為即叫即整同多汁，食嘅時候小心燙口同整污糟件衫。