牛気 (雅蘭中心)

營業中

休息中

真係好耐未打過邊爐，今晚一於去牛気食返夠本。佢哋放題分唔同級數，level 4 就可以任叫任食澳洲安格斯牛同埋美國SRF極黑牛，仲包咗任食海鮮。Level 5,6就可以食埋和牛。性價比嚟講level 4，真係首選。食起上嚟澳洲安格斯牛就偏向油花多同埋軟腍，美國SRF極黑牛，就肉味濃厚一啲。另外海鮮就首推大海蝦同埋帶子，質素都幾高。由於海鮮放題包咗三文魚刺身，咁梗係唔可以放過啦，真係叫幾多嚟幾多，食得晒先好落單。出邊仲有好多其他嘅蔬菜、丸類、小食、飲品可以食。留返少少肚最後食埋個軟雪糕咁就滿足晒。