影片
更多
2018-12-14
235 瀏覽
今日行過YOHO MALL，被莆田門口既海蠣宣傳攤佈置所吸引。原來佢地推廣緊莆田海蠣節，有一系列以海蠣為主題既菜式。以$188六選二既孖寶餐黎吸客，幾抵食咁！見係米芝蓮一星餐廳，就要食下佢咩水準！餐廳裝修好新淨，座位闊落，燈光充足 。附合哂YOHO MALL一家大細既目標客群，有BB椅提供，好貼心。講真平時好少食閩南菜、福建菜，所以所有菜式對於我黎講都好新鮮，樣樣都想食下。______________________________🔸 頭水紫菜海蠣煎蛋 ($188 - 6選2)海蠣又稱蚵仔。同平時既蚵仔煎蛋有少少唔同，依到加入左紫菜一齊煎，會更香口，蛋亦都夠乾身。頭水紫菜來自褔建沿海一帶的山村，屬於每年第一次長成頭次採摘的紫菜，非常珍貴。🔸 江口家鄉海蠣湯 ($188 - 6選2)湯中材料豐富，海蠣份量多，粒粒都漲卜卜。聞上去有啲似台式蚵仔麵線個種味道，上面加上少少芫茜，很香。二人用黎講份量有多，如果3-4人share會比較好。🔸 百秒黃花魚 $69/位獲得米芝蓮一星殊榮既百秒黃花魚，係莆田招牌菜之一。名乎其實以一百秒燜熟黃花魚，肉質非常鮮嫩。身魚劏開一半，煲底有少少湯，魚既鮮味好清
餐廳裝修好新淨，座位闊落，燈光充足 。附合哂YOHO MALL一家大細既目標客群，有BB椅提供，好貼心。講真平時好少食閩南菜、福建菜，所以所有菜式對於我黎講都好新鮮，樣樣都想食下。
______________________________
🔸 頭水紫菜海蠣煎蛋 ($188 - 6選2)
海蠣又稱蚵仔。同平時既蚵仔煎蛋有少少唔同，依到加入左紫菜一齊煎，會更香口，蛋亦都夠乾身。頭水紫菜來自褔建沿海一帶的山村，屬於每年第一次長成頭次採摘的紫菜，非常珍貴。
🔸 江口家鄉海蠣湯 ($188 - 6選2)
湯中材料豐富，海蠣份量多，粒粒都漲卜卜。聞上去有啲似台式蚵仔麵線個種味道，上面加上少少芫茜，很香。二人用黎講份量有多，如果3-4人share會比較好。
🔸 百秒黃花魚 $69/位
獲得米芝蓮一星殊榮既百秒黃花魚，係莆田招牌菜之一。名乎其實以一百秒燜熟黃花魚，肉質非常鮮嫩。身魚劏開一半，煲底有少少湯，魚既鮮味好清甜。只係魚骨較幼身同短，要食得慢啲小心啲。
🔸 興化炒米粉 $82/例
炒米粉加入好多不同配料，有有蜆肉、蝦仁、香菇片、蔬菜、花生等。米粉幼細煙韌，炒埋都幾大碟。好有家鄉味既感覺。
🔸 酥炒芋芯 $89/例
雖然食得八、九成飽，依然想食啲甜野。見Menu上圖片幾吸引，最後多點左一份酥炒芋芯。剛炸起仲帶住溫度，外酥內糯。表層仲帶少少糖漿，甜甜地，但又唔會痴口痴牙，恰到好處，食完一舊接一舊。
．
by VIN
環境分數: 8/10
食物分數: 7.8/10
張貼
