夏麵館 (始創中心)

營業中

休息中

喺始創中心嘅夏麵館開業左幾個月，平時晏晝都冇嚟試過，今晚反而約人食咗晚飯，晚飯時間好多人幫襯，要排隊入坐。但都係等左10分鐘左右，唔算好耐，座位都算幾寬敞，兩個人唔會覺得好迫，張枱又幾大。我哋今日點左好多小食類，有夏味燻蛋，花雕醉雞，蟹粉小籠包，干扁四季豆，炸銀絲卷同埋菜肉餛飩麵。夏味燻蛋1隻$13一開二，呈糖芯狀，有明顯嘅煙燻香味，同埋少許醬油味，味道幾特別唔錯花雕醉雞$66小碗上，大約有十件左右，花雕酒味非常濃郁，滲透晒入雞肉，而雞肉又唔鞋，鍾意酒香味重嘅朋友啱晒。蟹粉小籠包2隻$38即蒸即上枱即食，咬落去有熱辣辣湯汁，蟹粉味唔算特別明顯，而且略嫌果皮有少少厚。干扁四季豆$58港式製作，唔會太辣同太乾，適合香港人，加埋啲肉碎同蝦米都幾香，份量適中，用嚟送下飯、送下麵都唔錯菜肉餛飩麵$50好大碗有四粒雲吞麵有多要兩個人先食得晒，厚皮餛飩大大粒，有菜肉香味，抵食。埋單$300，兩個人每人百零蚊，捧住個肚走抵食到爛。