鮨真 (已結業)

-妹妹終於第一次食鮨真，食左「櫻」（$1380）。首先前菜係白梅貝， 爽口鮮甜。這個set刺身有七款，包括左口魚、鯖鱼、秋刀魚、野生鰤魚、粒貝、新鲜銀雪魚同拖羅。左口魚薄切配上鹽板，比較淡身既左口魚在鹽板上卷完後帶有微微既咸味，加埋上面少少既柚子皮，食落特別清新！鯖鱼同秋刀魚刺身就比較肥美甘香，油香配搭上用薑同蔥製成既汁，另有一番風味（個人偏愛秋刀魚刺身）！野生鰤魚即係大版油甘魚，油份較油甘魚多而味濃，口感柔軟滑身，食過包你以後唔食油甘魚🤣粒貝就爽口帶有微微海水鮮甜味，唔錯。新鲜銀雪魚生食真係第一次，入口係爽但食落就會熔化，好似食煮熟既銀雪魚咁，味道同口感都幾特別。至於拖羅就唔洗多講，入口即溶，油份充滿口腔已經無得輸啦。壽司有四款，海膽、金目鯛、鮫魚、銀雪魚。值得一講既係金目鯛，微微燒過令油脂散發香味，食落口油香而豐富，但無拖羅咁漏，好味。左口魚邊壽司都係另一款我最滿意既壽司，加左汁醬再燒香，呢個真係好好味。和食都有兩款，北海道多春魚同炸毛蟹丸，多春魚燒得乾身但keep到juicy，但炸毛蟹丸我更喜歡，熱辣辣加左紫菜炸香，毛蟹鮮甜多肉（唔係得舊粉咁），驚喜位係中間竟然有流心蟹膏，好正！