豊勝手丼 (已結業)

登龍街嘅食肆林立🤣要喺呢度屹立不倒真係好唔簡單，相信食物嘅質素一定要有返咁上下🤣🤣豊勝手丼未到夜晚七點已經差唔多滿座，好彩我一早打電話嚟book咗，先至唔使等，餐廳好有日本feel，用木嘅傢俬作為主題👍1.薄燒牛肉沙律好抵食嘅沙律，估唔到牛肉同埋菜份量差唔多一樣，配埋一個沙律汁，成個沙律嘅味道都好好。牛肉份量真係好多，而且牛肉嘅質素都相當之好，薄得來又唔會過熟同好韌。2.廚師發辦丼同Omakase嘅原理一樣，都係將最時令嘅刺身放上呢一碗飯到，有赤鯛、池魚、磯燒鮑魚、中拖羅、赤蝦同三文魚籽，好豐富同埋好新鮮😋3.信州蘋果梳打蘋果梳打飲落去唔會死甜，有淡淡的蘋果香氣同埋好夠汽👍🤣