影片
更多
2009-07-04
30 瀏覽
凍蟹難得老豆滿意味道, 伯涼伯伯都願食到無停手,弟婦又讚d殼扑得夠碎, 蟹鉗殼一除就甩又夠大啖肉, 我第一時間攞個殼黎食, 有幾多蟹膏吓, 清清地幾好味。 寫單人服務一流, 我問佢凍蟹幾錢, 佢話細隻$$$ (我忘了), 大隻有$310, 有$280, 我決定要兩隻大既, 佢就先去攞兩隻埋黎畀我地睇睇, 跟住先開單, 程序做足好均真, 跟住仲識提議我們先食蟹, 其他菜後上, 廚房等通知才上。 鵝片我係叫鵝片架, 點知埋黎變咗得幾片係片, 其他係鵝肉。我唔好鵝片, 呢碟應弟婦要求落單, 應該幾o岩佢+堂兄口味, 好快清晒。 糯米炸大腸又係我唔食, 但弟婦愛吃既。伯伯伯涼堂兄都喜歡食。 胡椒豬肚湯熱辣辣既湯 - 正！夠胡椒味 - 正！咸酸菜 - 正！我唔食豬肚, 但其他人都食得津津有味, 願意飲第二碗湯, 好！弟婦甚至話食到腐竹味道添。 川椒葉脆皮雞雞皮好脆好脆, 弟弟就嫌無雞味。大家都好鍾意川椒葉 , 伴菜都食晒。 蝦棗拼墨魚餅我試咗墨魚餅, 唔點醬就食到墨魚味, 混咗馬蹄幾爽口, 不過一定要趁熱食。弟婦凍咗先食就彈佢好粉。 炒魚麵好多料, 爽芽菜夾魚麵, I like it. 伯
難得老豆滿意味道, 伯涼伯伯都願食到無停手,
弟婦又讚d殼扑得夠碎, 蟹鉗殼一除就甩又夠大啖肉,
我第一時間攞個殼黎食, 有幾多蟹膏吓, 清清地幾好味。
寫單人服務一流, 我問佢凍蟹幾錢, 佢話細隻$$$ (我忘了), 大隻有$310, 有$280, 我決定要兩隻大既, 佢就先去攞兩隻埋黎畀我地睇睇, 跟住先開單, 程序做足好均真, 跟住仲識提議我們先食蟹, 其他菜後上, 廚房等通知才上。
鵝片
我係叫鵝片架, 點知埋黎變咗得幾片係片, 其他係鵝肉。
我唔好鵝片, 呢碟應弟婦要求落單, 應該幾o岩佢+堂兄口味, 好快清晒。
糯米炸大腸
又係我唔食, 但弟婦愛吃既。伯伯伯涼堂兄都喜歡食。
胡椒豬肚湯
熱辣辣既湯 - 正！夠胡椒味 - 正！咸酸菜 - 正！
我唔食豬肚, 但其他人都食得津津有味, 願意飲第二碗湯, 好！
弟婦甚至話食到腐竹味道添。
川椒葉脆皮雞
雞皮好脆好脆, 弟弟就嫌無雞味。
大家都好鍾意川椒葉 , 伴菜都食晒。
蝦棗拼墨魚餅
我試咗墨魚餅, 唔點醬就食到墨魚味, 混咗馬蹄幾爽口, 不過一定要趁熱食。
弟婦凍咗先食就彈佢好粉。
炒魚麵
好多料, 爽芽菜夾魚麵, I like it. 伯涼都鍾意。
不過稍嫌油咗d。
大地魚炒芥蘭
未夠香, 芥蘭未夠爽, 不過都食得過架。
魚湯浸莧菜
本來想食豆苗, 不過無, 就聽部長介紹試莧菜啦, 結論：麻麻。
咸檸七 $13
招牌話, 飲咗條氣順晒。
我問弟弟係唔係, 佢認真地答我, 都幾得喎！
埋單$1170, 真的唔貴, (凍蟹已經佔咗一半價錢啦)
以呢個價錢食到呢種味道質素的食物, 好滿意。
部長的服務一流！賣凍蟹夠均真。落單時亦會提醒我, 已經有8個菜啦, 食住先, 唔夠一陣先再叫, 如白灼蝦一落單好快就黎, 唔駛點等既。
又會提議食蟹先, 幫我們叫廚房的菜稍後才上, 唔會放到一枱餸食物好快凍晒。
過咗一陣, 又黎提我們記得食完蟹要通知廚房才會出餸！呢餐飯見老人家樣樣都o岩食, 又會好奇地商量呢樣係咩那樣係咩......
川椒葉 - 佢地就商量話等於潮州咩咩咩 (潮州話名堂我唔識聽)
大地魚 - 又咩咩咩
咸檸 - 店內好多個玻璃瓶裝了咸檸, 佢地又話不如買瓶回去......
魚麵 - 伯涼覺得個麵唔係普通麵, 就估係咩......
佢地既年代的潮州菜, 好明顯與依家香港既潮州菜有好大分別......
總之見佢地肯動筷, 又會好似小朋友咁試吓呢樣試吓那樣, 真的好高興。
張貼