Espuma (H8) (已易手) 新餐廳

之前都聽過下呢間野，夜晚肚餓，又咁岩行到附近，就決定食呢間，好彩未到食飯時間，唔洗排隊就入得。一開始有杯水果沙冰，凍冰冰，酸酸甜甜，都幾開胃。第二樣菜係炸薯條加炸魚柳，新鮮熱辣好脆口，果兩隻醬都好好味，我自己就中意點白色果個食，而且最重要既係個炸魚真係唔多炸粉，食落口會係feel到足料。跟住既係黑松露意粉配鴨肝。塊鴨肝好正，入口即溶。另外碟意粉無想像中咁滯，意粉個質感岩岩好，唔會太硬又唔會太淋，最正都係個汁，好香，好有味道。最後上既係炸軟殼蟹燴飯！炸軟殻蟹無想像中咁好食，一黎佢唔係好脆口，兩黎炸粉比較多，而蟹肉相對比較少。另外個燴飯都幾濃味，不過可能係最尾一道菜既關係，食落就比較滯，但整體個飯都尚算唔錯。除左野食之外，其實成晚都坐得幾舒服，環境都唔算好嘈，整體係唔錯。