翠華餐廳 (已結業)

某日的宵夜。想食d野先返去，原先只係想食過奶油豬，八掛下menu有咩食，見有炒公仔麵，仲要鐵板上，就要個試下。鐵板上，其實都係諗住個鐵板都係做下樣，叫做用個鐵板跟個炒公仔麵，點知個鐵板係堅熱果隻，放d薄切牛肉應該都會熟哂，特意唔撈d麵，令d麵有點焦，鐵板夠熱，好快烘到d麵有d燶，脆脆地，多種咬口。豬扒就普通，有點韌。不過整體黎講，碟麵係滿意的。奶茶意外地有點水準，奶味茶味平均，不錯。衛生真係好一般，抺枱抺落d客到，望一望扮無事繼續，講句唔好意思好難咩。整體食物水準收貨的，不過唔係餐，散叫，加埋差唔多六十幾蚊，入得黎，都知價錢。