神燈海鮮酒家 (18廣場)

營業中

休息中

有位朋友係外國岩岩返左黎香港探我😌差唔多有兩年無見過面，梗係要帶佢去食下好野，佢話想食中菜🙂於是乎我就帶左佢去佐敦既神燈海鮮酒家😗我地兩個人叫左4個餸，糯米炒膏蟹、蜜汁脆燒鱔、黑松露玻璃燒鵝、醬皇翡翠鴛鴦蚌😌糯米炒膏蟹係原煲上，份量非常多，隻蟹仲要多膏肥美😛😛蜜汁脆燒鱔外形睇落勁似日式鰻魚🥳但食落好脆口，同蜜汁既配搭都好夾😝😝黑松露玻璃燒鵝睇落去好似燒焦左既鵝咁😚但一食落口既時候，黑松露既味道沖擊成個口腔，香氣和燒鵝的口感完美結合😌最後醬皇翡翠鴛鴦蚌係一個好傳統既中菜，師傅掌握火候恰到好處，桂花蚌同象拔蚌口感鮮爽而不韌😙😙😙