蝦蝦燒

營業中

休息中

以前去韓國都一定會去烤海鮮任食，太耐無得飛有d掛念依個味道，見依排好多人介紹蝦蝦燒，約下朋友一齊去。😎餐廳嘅格局都有幾分似韓國嘅，大部份海鮮、生熟食物、飲品都係外面拎，除左大蝦係自己位置附近夾。一黎就先烤主角，大蝦隻隻都好生猛，所以捉到後要放入冰壺俾佢冷靜下先，一次過烤幾隻都無問題，入口爽彈。再燒鮑魚、帶子、扇貝件件新鮮，入口美味，加d蒜蓉更加無得輸。套餐會包兩條白膳，比我想像中有驚喜，肉質非常嫰滑，厚得黎一D都唔韌，但烤過皮十分脆口，超正，如果有多條食就好啦除左海鮮都有其他食材可以烤，個人最鍾意烤菠蘿，甜到不得了，我起碼食左8件，都唔多喉。食左咁耐，要飲下清涼爽清清熱。