牛の鍋日本料理

營業中

休息中

「鰻魚鍋」有三款餐，A：基本火鍋；B：A+日式放題；C：B+靚啲嘅牛，目標係試鰻魚鍋，所以要咗A餐（$258，7點半前離座減$20，另收一服務費）。「鰻魚鍋」可選麻辣或醬香，揀咗前者，少辣（都有啲辣度），鰻魚好大份，厚身，肉紮實唔削，先撲粉炸脆再放落湯，索哂湯汁好惹味，無腥味無泥味。食完可以再添（無限添加），追加嘅會即炸上碟，可以唔落湯即食都唔錯（但就食到好輕微嘅腥味，但接受到）。因為鰻魚始終都好漏，所以都係追加咗1.5份（可以要半份，讚）。其他火鍋料正正常常，但牛肉切得比較薄，食落無咩口感。另外有兩樣唔錯嘅，有罐網啤酒唔奇，竟然有支裝啤酒，仲要係大支裝嘅大啤。其次係啲自家製甜品款式多兼味道唔錯，結果差唔多全部試哂。整體用餐體驗良好，服務員有禮，上菜快無漏單，食物質素滿意。