影片
更多
2024-06-05
126 瀏覽
深圳人氣潮汕菜陳鵬鵬潮汕菜館開到黎香港🇭🇰就係沙田新城市廣場，餐廳招牌係拎過金獎既鹵水鵝🪿見價錢合理就同屋企人去試下！餐廳都好受歡迎，放工黎到都已經要等位，大約45分鐘左右就有位喇。食潮汕菜必點鹵水拼盤，鵝片果然有料到，好入味，鵝肉無羶味👍🏻除此之外仲有鵝掌翼、豆腐、廣章(即潮汕家鄉豬肉條)、溏心蛋。用黎送粥食都幾好，所以我地都叫左個海鮮砂鍋粥，大大窩，2-3個人食都ok，真係幾足料，有蝦🦐蠔仔🦪花蛤、菜脯等等，充滿鮮味😍我地仲叫左香煎鯧魚，表面煎到金黃色，魚肉仲好滑，唔會好乾。而南澳蠔仔烙，即煎蠔餅，估唔到都幾大塊，都係食落酥脆，蠔仔都飽滿，整體都不錯。最後我地仲叫左甜品，宜家做緊特價，潮汕糖水第二份半價，真係好抵！我要左仙草大滿貫，仙草配上雪糕🍨珍珠等，抵過再出去第二間食糖水！🔸金獎潮鹵拼盤$128🔸海鮮砂鍋粥$98🔸南澳蠔仔烙$98🔸香煎鯧魚$128🔸仙草大滿貫$39🔸蜜蘭香$10位📍#陳鵬鵬潮汕菜館 (#沙田美食)沙田沙田正街18號新城市廣場一期7樓703A號舖
見價錢合理就同屋企人去試下！餐廳都好受歡迎，放工黎到都已經要等位，大約45分鐘左右就有位喇。
食潮汕菜必點鹵水拼盤，鵝片果然有料到，好入味，鵝肉無羶味👍🏻除此之外仲有鵝掌翼、豆腐、廣章(即潮汕家鄉豬肉條)、溏心蛋。
用黎送粥食都幾好，所以我地都叫左個海鮮砂鍋粥，大大窩，2-3個人食都ok，真係幾足料，有蝦🦐蠔仔🦪花蛤、菜脯等等，充滿鮮味😍
我地仲叫左香煎鯧魚，表面煎到金黃色，魚肉仲好滑，唔會好乾。
而南澳蠔仔烙，即煎蠔餅，估唔到都幾大塊，都係食落酥脆，蠔仔都飽滿，整體都不錯。
最後我地仲叫左甜品，宜家做緊特價，潮汕糖水第二份半價，真係好抵！我要左仙草大滿貫，仙草配上雪糕🍨珍珠等，抵過再出去第二間食糖水！
🔸金獎潮鹵拼盤$128
🔸海鮮砂鍋粥$98
🔸南澳蠔仔烙$98
🔸香煎鯧魚$128
🔸仙草大滿貫$39
🔸蜜蘭香$10位
📍#陳鵬鵬潮汕菜館 (#沙田美食)
沙田沙田正街18號新城市廣場一期7樓703A號舖
張貼
